Txartel boteretsuak

CVV kodea, CardVerificationValue, kreditu eta zor txartelen atzealdean agertzen diren 3 digituko multzoa da. Kode hori online erosketak egiteko segurtasun-neurri bat da, hau da, txartela fisikoki presente ez dagoenean erabiltzeko. Datu hori ez da beste inon gordetzen, eta txartelean bertan bakarrik ikus daiteke.

Zure txartela iraungitzen denean, beste bat bidaliko dizugu ezarritako helbidera. Zure oraingo txartelean agertzen den iraungitze-data heldutakoan iristen ez bada, jar zaitez gurekin harremanetan 900 44 55 66 telefonoan.
Kopia bat eskatu nahi baduzu, Kutxabank Online Banka erabil dezakezu, edo gurekin harremanetan jar zaitezke 900 44 55 66 telefonora deituta.

Zure Online Bankaren edo Banka Mugikorraren bidez:

• Zure txartelak itzali eta piztu.
• Zure txartelak blokeatu, galdu edo lapurtzekotan.
• Aldatu zure kreditu-txartelen muga.

Txartela lapurtu badizute edo galdu baduzu, deitu berehala 900 44 55 66 telefonora, gure Banka Mugikorraren edo Online Bankaren bidez blokeatzeko.
Lapurretaz jabetzen zarenean, garrantzitsua da Ertzaintzaren edo Estatuko beste Segurtasun Indarren aurrean salatzea eta zure azken banku-mugimenduak zaintzea.
Egin ez duzun mugimenduren bat antzemanez gero, jar zaitez gurekin harremanetan.

Visa Dual, Visa Dual K26, Visa Dual K26+, Visa Dual %100, Visa Classic eta Visa Nakar txartelek estaldura zabaleko istripu-asegurua eta bidaietarako laguntza dute. Hemen ikus dezakezu.
Urrezko Visa txartelak erosketak babesteko asegurua, istripu-asegurua eta bidaietan laguntzeko asegurua ditu. Hemen ikus dezakezu.
Visa Platinum txartelak erosketak babesteko asegurua, istripu-asegurua eta estaldura zabaleko bidaietan laguntzeko asegurua ditu. Hemen ikus dezakezu.

Dual txartelak (Visa Dual, Visa Dual K26, Visa Dual K26+, Visa Dual %100) kreditu-txartelak dira eta saltokietan eta kutxazainetan zordunketa bidez dabiltza.
Saltokietan txartelaren kreditu erabilgarriaren gainean egindako erosketak hurrengo hileko lehen egunean zordunduko dira kontuan.
Kutxazainetan, berriz, txartelaren kontuko saldoaren kontra egiten dute lehenetsita, nahiz eta beti dagoen krdituzko aukera, “Kredituz dirua atera” bidez (Kutxabank kutxazainetan).

Zordunketa-txartelarekin ordaintzerakoan, erosketaren zordunketa txartelari lotutako kontuan egiten da zuzenean. Kreditu-txartelekin ordaindutako erosketak, berriz, hurrengo hileko lehen egunean zordunduko dira kontuan.

Visa Dual txartelekin dirua zordunketa zein kreditu moduan atera dezakezu, zeuk aukeratzen duzu.

Orri honetan bertan eskuragarri duzun txartelen pertsonalizatzailearen bidez, irudi bat bidali ahal diguzu eta txartela jasotzeko zein bulegora jo nahi duzun adierazi, guk hara bidal diezazugun.

Mugikorra zure txartela balitz bezala erabil dezakezu, saltokietan ordaintzeko eta kutxazainetan dirua ateratzeko. Aplikazio hauetako bat izan behar duzu: Kutxabank Pay, Samsung Pay edo Google Pay, zure mugikorra Android edo Apple Pay bada, IOS sistema eragilea duen mugikor bat baduzu. Instalatu aplikazioa zure mugikorrean, eta jarraitu lehentasunez erabili nahi duzun Kutxabank txartela aktibatzeko urratsak. Saltokian ordaintzeko edo kutxazainean dirua ateratzeko, desblokeatu zure mugikorra pantaila aktibo egon dadin, hurbildu saltokiko terminalaren edo kutxazainaren contactless irakurgailura, eta egin erosketa edo diru-itzulketa baimentzeko sistemak adierazten dizun identifikazioa.

Euroa ez den monetatan egindako eragiketetan (erosteko edo eskudirua ateratzeko), %3ko komisioa aplikatuko da, dagokion likidazioa egiten den egunean Nazioarteko Ordainketa Sistemek (Visa) duten truke-tasaren arabera eurotan kontrabalioan ateratzen den zenbatekoaren gainean.

Truke-kalkulagailua edo dibisak

BIZUM berehala ordaintzeko zerbitzua da eta estatuko banku-erakunde gehienen lankidetzari esker abian jarri da (Kutxabank barne).

Berehalako sistema da, eta oso erraz erabiltzen da, dirua eroso bidaltzeko eta jasotzeko aukera ematen duelako. Jakin behar duzun gauza bakarra da dirua bidaliko diozunaren ala dirua eskatuko diozunaren mugikorra da.
Zerbitzu hori erabili ahal izateko, KutxabankPay doako aplikazioa deskargatu behar duzu.

Dirua bidali edo eskatu ahal izateko, erakundearen bezeroak eta haren kontaktuek alta emanda egon behar dute zerbitzu horretan.