Erabaki
Autoa Erosteko
Gida

Auto berria erosten baduzu, abantaila nagusiak honakoak dira: konponketetan dirua aurreztea, segurtasun eta teknologia aurreratuena edukitzea, nahi duzun modeloa aukeratu ahal izatea eta markak eskaintzen dizun 2 eta 7 urte bitarteko bermea, batzuetan akats bat egonez gero gehieneko kilometraje batekin lotuta egoten dena. Eguneratzear dauden modeloek edo katalogotik kendu nahi dituztenek deskontua izaten dute eta prezioak ere hilabete amaieran edo urte amaieran ere jaitsi egiten dira.

Kontzesionarioek matrikulatu behar izan dituzten ibilgailuak dira baina kilometro gutxi egin dute eta, horregatik, berriak baino merkeagoak saldu behar izaten dituzte. Ibilgailu berrien ezaugarri berdin-berdinak dituzte baina ezin dituzu zure gustura pertsonalizatu. Bi urteko bermea izaten dute. Abantaila nagusia prezioa da eta ez duzu fabrikatu eta ekarri arte itxaron behar.

Onena prezioa da, batez ere norbanakoen arteko salerosketa baldin bada. Gainera negoziatzeko aukera izaten duzu. Hala ere ibilgailua aurretik nola ibili den zehatz-mehatz ezin izango dugu jakin eta izan ditzakeen matxuratzeko aukerak zeintzuk diren ere ez dago jakiterik.

• Ibilgailu berria edo 0 Km-koa bilatzen ari bazara, marka bakarreko edo marka anitzeko kontzesionarioetan aurkitu ahal duzu. Han bertan dituzten modelo eta aukera guztiak erakutsiko dizkizute.
• Bigarren eskuko ibilgailuei dagokienez, bi aukera dituzu. Norbanakoen artean salerosi edo bigarren eskuko kontzesionarioetan erostea. Lehengo aukera hautatzen baduzu, eskura interneten webgune eta eskaintza asko dituzu. Bigarren eskuko kontzesionario batean nahiago baduzu, erosten duzunean berme bat izango duzu baina kostua ere altuagoa izango da.

3,4 eta 4 metro bitarteko tamaina txikiko ibilgailuak, herri zein hiritatik mugitzeko batez ere. Potentzia baxuagoko motorrak dituzte eta helburua kontsumo txikiagoa izatea da. Kale estuetatik ibiltzeko egokiagoak dira eta aparkatzeko errazagoak.

Ez ohi dira 4,30 metrokoak baino luzeagoak izaten. Barrutik zabal-zabalak dira eta bidaiariek eroso bidaiatzen dute. Horrez gain, barrualdearekin lotuta dagoen maletategi bat izaten dute.

4 ate eta bereiztuta dagoen maletategia dituen ibilgailua - 4 jesarleku edo gehiago izaten dute eta sabai finkoa. Bere luzera 4,5 eta 4,9 metro tartekoa izaten da.

2 ardatz edo gehiagoko trakzioa duen ibilgailua, leku zailetatik ibiltzeko (lurra, aldapak, harriak, ura).

Motorra, barrualdea eta matelategia integratuta ditu. Altuxeagoa izaten da, 1,60 eta 1,80 metroen artean eta 5-7 jesarleku izaten ditu. Familia batentzat oso egokia maletategi zabalagatik eta erosotasunagatik.

Alboko bi ate, 2 edo 2 jesarleku eta kirol diseinua dauzkan ibilgailua. Barrualdeak 935 m3 baino gutxiago du. Kabrioen bereizgarritasuna sabaia desmuntatu edo autoan bertan bildu ahal izatean datza.

Karga handiko ibilgailuak dira eta oro har ondasun edo pertsonak garraiatzeko erabiltzen dira. Furgonetek kargatzeko lekua itxita izaten dute baina pickupek alde hori kanpoaldean dute.

Bi gurpiletako ibilgailua da eta bere egitura nagusia koadroa eta gurpilak dira. Bi lagun eraman ditzake eta zilindrada 50 cc baino gehiagokoa izaten da. Eta abiadura 45 km/ordukoa baino handiagoa.

Bidaietan etxebizitza modura erabil daitekeen barrualde homologatua daraman ibilgailua da. Txasisaren arabera 4 eredu egoten dira: kanperra, kaputxinoa, integrala eta perfilatua. Informazio gehiago →

Gasolinazko autoak potentzia eta autonomia eskaintzen ditu, gozoago eta atseginago gidatzen da (zarata eta dardara gutxiago) eta hobeto dabil biraketa handietan. Gaur egungo gasolinazko motoreetan isurketa kutsakorrak murriztu dituzte, ingurumenaren mesedetan. Erosteko merkeagoa denez erakargarria da, baina, bestalde, erregaiaren batez besteko kontsumoa eta haren kostua, baita motorearen zein piezen higadura ere askoz handiagoak dira, baina konponketak merkeagoak dira diesel batean baino.

Motore hauen bilakaera etengabea izan da eta, gaur egun, bertsio landuetara heldu dira. Hauek, zarata gutxiago eragiteaz gain, biraketa baxuetan azeleratzeko erantzun handia eta berreskuratzeko gaitasun handiagoa dituzte. Erregai gutxiago kontsumitzea eta erregai hori merkeagoa izatea du abantaila nagusi. Zenbat eta kilometro gehiago egin gero eta nabarmenagoa da alderdi hori. Hala ere, diesel autoak garestiagoak eta astunagoak dira eta mantentze garestiagoa dute.

Hiru mota daude: biodiesela, bioetanola eta biogasa eta denek negutegi-efektuko gasen isurketa gutxitzen dute. Nekazaritzako eta abeltzaintzako lehengaietatik datozen erregai berriztagarriak dira eta hondakintzat edo zabortzat jotako baliabideak erabiltzen dituzte, petrolioa bezalako iturri agorgarriez baliatzen direnek ez bezala. Hala ere, energia-kopuru txikiagoa eskaintzen dute eta emaitza bera lortzeko energia-kopuru handiagoa eskatzen dute, eta gaur egun duten prezioa handiagoa da.

Bi mota daude: Kargatzeko elikadurarik gabeko hibrido arrunta, barruko elektrizitatez kargatzen dena; eta entxufatzeko hibridoa, kanpoko elikatze-iturri baten bidez kargatzen dena. 40 km baino gutxiagoko autonomia elektriko txikiagoa duten hibridoei (entxufatzekoak izan ala ez) EKO deritze DGTk. Bien kasuan, zirkulazio handia dagoenean, gutxi kontsumitzen dute, baina bi motor dauzkatenez, gehiago pisatzen dute eta horrek kontsumoan eragina izan dezake.

Motore elektriko baten edo batzuen indarrez mugitzen dira, kargarako baterien bidez. Motor hauek xumeagoak eta fidagarriagoak dira, higadura-pieza gutxiago dituzte; oso eraginkorrak eta isilak izateaz gain. Ez dute C02rik isurtzen eta oso isilak dira. Hori dela eta, ingurumena gutxiago kaltetu eta zarata gutxiago eragiten dute. 100%ean ekologikoak dira; dena den, asko saltzen ez direnez, beren prezioa handiagoa izaten da. Hala ere, haien bateriek oso produktu kutsakorrak dituzte.

Erregai ekologiko eta ez-toxikoa da eta naturan horrelako ugari dago. Gainera, ez du CO2rik isurtzen eta eraginkortasun energetiko handia eskaintzen du. Hala ere, baliabide naturala denez gero, hura lortzeko eta prozesatzeko lana garestia, biltegiratzeko prozesua ez dago oso garatuta, hornitzeko puntu gutxi dago eta kostu handiagoa dauka. Era berean, erregai honen sorreran energia-iturri handiak erabili behar dira, eta horiek sarritan neguko efektuko gasak askatzen dituzte.

GNK edo IGNa (Ibilgailuetarako Gas Naturala) gas metanoa erregai gisa erabiltzeari dagokio eta PGLa edo autogasa, butanoa eta propanoari buruzkoa da. Erregai hauek bereizitako tangetan egoten dira eta, txandaka, gasolina-biltegietan ere egon daitezke. Auto hauen abantaila nagusia dirua aurrezteko eskaintzen duten aukeran dago, nahiz eta erosteko garestiagoak eta potentzia %10 txikiagoa izan. Trafiko Zuzendaritzak (DGTek) EKO ibilgailutzat hartzen ditu, izan ere, %24 murrizten dute CO2ko emisioak, %85 nitrogenozko oxidoarenak eta %99 aleenak. Gainera, %50 murrizten du kutsadura akustikoa. Motorraren mantentze-kostuak eta kostu mekanikoak txikiagoak dira, baina autoan espazio handiagoa eduki behar dugu tanga sartzeko eta ez dago kargatzeko estazio askorik ezta auto modelo-sorta zabalik ere.