Legezko oharra eta pribatutasun-politika

Kutxabank SA entitatearen (hemendik aurrera, Kutxabank) webgunera sartzeak eta horretan aurkeztutako edozein produktu eta zerbitzuri buruzko informazioa atzitzeak Legezko Ohar honetan jasotako baldintzen mende geratzea eta beroriek onartzea dakar berekin. Horregatik, Legezko Ohar honen edukia arretaz irakurtzea gomendatzen dizugu, Kutxabanken webguneko informazioa eta zerbitzuak atzitu eta erabili nahi badituzu.

Orrialde honetan emandako informazioa ez da inbertsio arloko aholkularitza, ez eta banku-arloko aholkularitza ere. Bankuko aholkularitza ez denez, emandako informazioa ez da merkatuan dauden banketxe-zerbitzuen azterketa objektibo eta zabal batean oinarritzen, eta ez dira kontuan hartzen bezeroaren egoera pertsonal eta finantzarioa eta haren lehentasun eta helburuak.

Erabiltzaileak kontuan hartu beharko du webgune honetan agertzen diren produktuak agian ez direla egokiak bere egoera pertsonalerako, finantzariorako edo arrisku-profilerako, ez direlako aintzat hartu hemen dagoen informazioa prestatzeko orduan; horregatik, bere inbertsio-erabakiak hartu beharko ditu, egoera horiek kontuan hartuta eta beharrezkoa izan daitekeen aholkularitza espezifiko eta espezializatua lortuta.

Kutxabankek ez du bere gain hartzen inolako erantzukizunik zentzu horretan erabili dela egiaztatzen bada, eta berariaz ulertu behar da informazio hori Espainiako indarreko araudiaren mende dagoenez, ez dela zerbitzu eta/edo produktu finantzarioak emateko, hedatzeko edo zabaltzeko beste betekizun batzuk eskatzen dituzten estatuen jurisdikziopean jarduten duten erabiltzaile batzuentzat.

Jarraian jasotako baldintza batzuk azken eguneraketa-egunetik daude indarrean. Dena den, Kutxabankek eskubidea izango du bere webgunean jasotako informazioa edozein unetan eguneratu, aldatu eta/edo ezabatzeko; era berean, informazio horretarako sarbidea mugatu edo kendu dezake, bereziki, Kutxabanken ustez, funtzionamendu egokirako hartutako segurtasun-maila estandarrak murriztu edo baliogabetzen dituzten zailtasun teknikoak sortzen direnean.

Legezko ohar hau aldatzen bada, edozein unetan, berorren baldintzak argitaratzen diren unetik aurrera jarriko dira indarrean, eta egun horretatik aurrera izango dira aplikagarriak erabiltzaile guztientzat.

Gune honetako atal batzuek legezko ohar espezifiko batzuk izan ditzakete berezko eduki edo funtzionalitateetarako; beraz, legezko ohar horiek irakurtzea gomendatzen da. Zehazki, Kutxabankek erabiltzaileari produktu edo zerbitzu jakin batzuk eskain diezazkiekeen tokietan, zeinetan kontratazioko baldintza orokor aplikagarriak jarriko dituen erabiltzaile interesdunen eskuetan.

Ez bazaude ados Legezko Ohar honen baldintzekin, mesedez, ez erabili webgune hau edo ez kontratatu Kutxabankek eskaintzen dituen produktu edo zerbitzuak.

1) Webgunearen titulartasuna.

Web-orri hau Kutxabanken titulartasunekoa da, erakundearen aldetik datuak tratatzeaz arduratzen den kreditu-entitate gisa. Hona hemen Kutxabanken identifikatzeko eta harremanetarako datuak, informazio-gizarteko zerbitzu-emaile gisa, 34/2002 Legeak, uztailaren 11koak, Informazio Gizartearen eta Merkataritza Elektronikoaren Zerbitzuei buruzkoak 10. artikuluan agindutakoari jarraikiz, bai eta helbide elektronikoa ere:

• Sozietatearen izena: Kutxabank SA
• Posta-helbidea eta posta elektronikoa: On Diego Lopez Haroko kale nagusia, 30-32, 48009 (Bilbo); info@kutxabank.es
• Arreta emateko telefonoa: 900445566
• Identifikazio fiskaleko zenbakia: A95653077
• Merkataritza-erregistroan inskribatuta egotearen datuak: Bizkaiko Merkataritza Erregistroan 5226. liburukia, 0. liburua, 1. folioa, BI-58729 orria, 1. inskripzioa; eta Espainiako Bankuaren Banku eta Bankarien Erregistroan, 2095 zenbakiaz.

2) Pribatutasun-politika eta datu pertsonalen babesa.

Oro har, Kutxabanken webgunea erabiltzeko, erabiltzaileek ez dituzte beren datu pertsonalak eman beharrik aurretiaz.

Aurrekoa gorabehera, erabiltzaileak zerbitzu jakin batzuk eskatu dituenean eta bere datu pertsonalak Kutxabanki eman dizkionean, Sozietate honek datuok konfidentzialak izango direla eta bi lege hauek beteko direla bermatzen du: Europako Parlamentuaren eta Kontseiluaren 2016/679 (EB) Erregelamendua, datu pertsonalen tratamenduari eta datuon zirkulazio askeari dagokionez pertsona fisikoak babesteari buruzkoa, eta 3/2018 Lege Organikoa, abenduaren 5ekoa, datu pertsonalak babesteari eta eskubide digitalak bermatzeari buruzkoa. Gainera, behar adina berme emango ditu datuen babesa bermatuko duten neurri tekniko eta antolamendu-neurri egokiak ezarri eta mantentzeari buruz.

Halakoetan, dagokion zure eskakizunarekin hasteko beharrezkoak diren datuak eskatuko dizkizugu dagokion inprimakian, eta datuok eskakizun horri erantzuteko soilik tratatuko dira. Oro har, identifikazioko eta harremanetarako datuak eskatuko dizkizugu.

Tratamenduon zilegitasunen oinarria, une oro, dagokion inprimakia bidaliz emandako berariazko baimen edo adostasunean oinarrituko da. Inprimaki horretan, era berean, Kutxabank SA entitatearen Datuen Babeseko Politikari buruzko informazioa aurkituko duzu.

Jasotako datuak ez zaizkie hirugarrenei lagako, Kutxabank, zehazki, agintari publikoei, judizialei eta Estatuko segurtasun-indar eta -kidegoei datuok lagatzera legez behartuta dagoenean izan ezik. Era berean, Kutxabankek ez ditu, hasiera batean, datuok nazioartean transferituko eta, salbuespenez eginez gero, berme guztiekin egingo du betiere, esaterako Europako Batzordeak onartutako kontratu-klausula estandarrak erabiliz. Halakoetan, erabiltzaileak hartutako bermeen kopia bat eskatu ahalko du.

Edozein unetan, datu pertsonalen tratamenduarekin lotutako eztabaidaren bat izanez gero, Kutxabankeko datuak babesteko ordezkariarekin harremanetan jar zaitezke dpo@grupokutxabank.com helbidean, erreklamazio bat aurkez diezaiokezu kontroleko agintaritza eskudunari eta zure datuak atzitu, zuzendu, ezabatu, aurkaratu, datuon tratamendua mugatzeko eta datuok lekualdatzeko eskubidea erabil dezakezu, bai eta zure datu pertsonalei buruzko banakako erabaki automatizatuen xede ez izatekoa ere; eskubide hori erabiltzeko, komunikazio bat idatz dezakezu Kutxabanken egoitza sozialera, lehen aipatutako helbidera, NANaren fotokopia bat erantsita, edo mezu elektroniko bat bidal dezakezu helbide honetara: info@kutxabank.es

Erabiltzailearekin dugun harremanerako beharrezkoa denean gorde eta tratatuko dira datuak. Era berean, datuak gordeko dira aplikatzekoa den araudiaren betekizunak betetzeko, legez kontrako ekintzak prebenitzeko, liskarrak ebazteko edo askotariko eztabaidak konpontzeko. Zure datuak tratatzea beharrezkoa ez denean, Kutxabankek ezabatu eta/edo blokeatu egingo ditu. Kutxabanken Datuen Babeseko Politikan kontserbazio-epeei buruzko xehetasunak aurkituko dituzu.

Datu Pertsonalen Babesari buruzko gure Politika kontsultatu dezakezu esteka honetan.

3) Jabetza industriala eta intelektuala.

Kutxabanken web-orriko eduki guztiak, halakotzat hartuta, aipatzearren baina mugatzeko asmorik gabe, testu, dokumentu, argazki, marrazki, irudi, ikono, irudikapen grafiko, ikus-entzunezko eta soinuzko eduki guztiak, bai eta web-orriaren diseinu grafikoa eta iturburu-kodea, markak, merkataritzako izenak eta beste zeinu bereizgarri guztiak ere Kutxabanken edo hirugarrenen titulartasun bakarrekoak dira (Kutxabankek dauka lizentzia legitimoa), eta Jabetza Industrial eta Intelektualaren Legeek babesten dituzte.

Erabiltzaileek Kutxabanken web-orriko edukiak erabiltzeak ez die inolako eskubide ez titulartasunik ematen edukion gainean.

Guztiz debekatuta dago atal honetan aipatu diren Kutxabanken web-orriko informazio edo elementuak ustiatu, erreproduzitu, banatu, jendaurrean komunikatu, laga, eraldatu edo nolabait hedatzea, edozein euskarri edo baliabideren bitartez, aurretiko eta berariazko baimenik gabe. Web-orri honen edukia norberak erabiltzeko soilik eta inongo merkataritzako helbururik gabe deskargatu ahalko du erabiltzaileak.

Aipatutako eskubideak urratzeak baldintza hauen eta/edo Jabetza Industrial eta Intelektualeko legeen urraketa ekar dezake. Kutxabankek dagozkion legezko ekintzak gauzatzeko eskubidea dauka webgune horren edo webguneko informazio edo edukien jabetza intelektual edo industrialeko eskubideak urratu dituzten erabiltzaileen aurka.

4) Debekatutako erabilerak.

Erabat debekatuta dago Kutxabanken web-orrira estekak sortzea beste web-orri batzuetatik Kutxabanken berariazko eta idatzizko baimenik gabe, bai eta Kutxabanken web-orria edo horretan jasotako informazioa frame edo marko, zeinu bereizgarri, marka edo beste pertsona, enpresa edo entitate baten sozietate- edo merkataritza-izenaren bidez aurkeztea ere.

Nolanahi ere, betekizunak beteta beste web-orri batzuetatik Kutxabanken web-orrian ezartzen diren estekek webgunera sartzeko aukera emango dute, baina ez dute inola ere webgunearen edukia erreproduzituko (erabat edo partzialki), Kutxabanken logotipoa edo sozietatearen izena izan ezik, eta hori informatzeko soilik.

5) Erantzukizunak.

Kutxabankek ez du bermatzen Kutxabanken web-orriko elementuak eta informazioa etengabe atzitzeko, deskargatzeko eta erabiltzeko aukera egongo denik, entitatearen kontroletik kanpo dauden faktore edo inguruabarren ondorioz oztopatu, eragotzi edo eten baitaitezke.

Kutxabankek ez du erantzukizunik hartuko berak sortu ez dituen informazioen egiazkotasunaren, osotasunaren eta eguneraketaren aurrean, ez eta Kutxabanken webgunetik atzitu daitezkeen hirugarrenen gune edo web-orrietan esteka, hiperesteka edo link bidez txertatuta dauden informazio eta bestelako edukien gainean ere. Ildo beretik, Kutxabankek ez du bere gain hartuko Kutxabanken itxura edo zeinu bereizgarriak dituen ezein hirugarren web-orritako informazioren edo edukiren erantzukizuna, Kutxabankek bere irudia erabiltzeko berariazko baimena eman badio izan ezik. Ondorioz, Kutxabankek ez du bermatuko hirugarrenen gune edo web-orri horietan txertatutako informazio edo eduki horien funtzionamendua, erabilgarritasuna, atzigarritasuna edo jarraitutasuna ona izango denik, eta ez du bere gain hartuko horren erantzukizuna.

Kutxabankek ez du bere gain hartzen hirugarren pertsonek edo erakundeek Kutxabanken web-orriaren bidez emandako informazioarekin, mota guztietako edukiekin, eskaini edo emandako produktu eta zerbitzuekin lotutako erantzukizuna, bereziki, aurrekoarekin lotuta, egoera hauen ondorioz sor daitezkeen edozein motatako kalte edo galerei dagokienez: (a) erabiltzaileek emandako informazioan edo horren egiazkotasunean, zehaztasunean eta nahikotasunean gabeziak edo hutsuneak egotea; (b) kontratuak edo kontratuen aurreko harremanak ez betetzea, txarto betetzea edo garaiz ez betetzea; (c) informazioaren gizartearen zerbitzu-emaileei dagozkien betebeharrak ez betetzea; (d) kontsumitzaileen eta erabiltzaileen eskubideak urratzea; (e) jabetza intelektualeko eta industrialeko eskubideak urratzea; lehia desleialeko edo zilegi ez den publizitateko ekintzak egitea; (f) datuen babeseko eskubidea, sekretu profesionala eta ohorearen eta norberaren nahiz senitartekoen bizitza pribatuaren eskubideak urratzea; eta (g) oro har, aplikatzekoak diren edozein lege, ohitura edo jokabide-kode.

Kutxabankek ez du bere gain hartzen honako hauek sortutako kalte, galera, erreklamazio edo gastuen erantzukizunik: (a) telekomunikazioetako linea eta sareetako akats, gainkarga eta erroreek edo Kutxabanken kontroletik kanpoko beste edozein arrazoik eragindako interferentziak, etenaldiak, hutsegiteak, omisioak, telefono-matxurak, atzerapenak, blokeoak edo sistema elektronikoaren funtzionamenduaren deskonexioak; (b) edozein motatako programa gaiztoak erabiliz eta edozein komunikabideren bitartez egindako legez kontrako esku-sartzeak, esaterako, birus informatikoak edo beste edozein; (c) Kutxabanken web-orria modu desegokian erabiltzea; (d) segurtasuneko edo nabigazioko erroreak, nabigatzailearen funtzionamendu txarragatik edo bertsio eguneratuak ez erabiltzeagatik.

Nolanahi ere, Kutxabanken web-orriaren erabiltzailea izango da erabiltzaileak Legezko Ohar hau edo aplikatzekoak zaizkion baldintza partikularrak ez betetzeagatik Kutxabankek jasan ditzakeen mota guztietako kalte eta galeren erantzulea.

Kutxabankek ez du bere gain hartzen inprimatutako dokumentuen bertsioaren eta web-orrietan argitaratutako dokumentuen bertsio elektronikoen artean sor daitezkeen aldeen erantzukizunik.

6) Argitalpenak.

Webgune honen bidez hornitutako argitalpenek ez dute ordezkatzen, inola ere, dagozkion komunikazio-bide ofizialetatik egin behar diren argitalpenak (esaterako: Europar Batasuneko Egunkari Ofiziala, Estatuko Aldizkari Ofiziala, dagozkion autonomia-erkidegoen aldizkari ofizialak, probintzietako aldizkariak, Merkataritza Erregistroaren aldizkari ofiziala, hedapen handiko egunkariak, etab.).

7) Segurtasun-politika.

Webgunerako sarbideak ez du Kutxabanken eskuetan uzten birusik edo bestelako inolako elementu informatiko kaltegarririk dagoen kontrolatzeko betebeharra. Edozein kasutan, erabiltzailearen erantzukizuna da ekipo informatikoak hauteman eta desinfektatzeko tresna egokiak edukitzea.

Kutxabankek ez du bere gain hartuko erabiltzaileen edo hirugarrenen ekipo informatikoetan web-orri korporatiboan sartzean gertatutako kalteen erantzukizuna.

Emandako zerbitzu telematikoen segurtasunerako, Kutxabankek jakinarazten dizu zenbait mekanismo informatiko daudela eta erabiltzen direla, zeinak ez duten nahitaez erabiltzailea identifikatzen, baina nabigazioko datuak, datu teknikoak eta web-orrien eta edukien erabilerako datuak bil ditzaketen, eta zeinen helburua erabilerari eta funtzionamenduari buruzko estatistikak lortzea, gorabeherak konpontzea eta zerbitzu edo produktu berriak proposatu eta garatzea den. Erabiltzaileak edozein unetan konfiguratu dezake bere nabigatzailea informazio hori eskuratzea eragozteko.

Kutxabankek konpromiso irmoa du erabiltzailearen datu pertsonalen babesarekiko eta informazioaren konfidentzialtasunarekiko.

Kutxabankek bermatzen du tratamenduaren ondorioz egon daitekeen arriskuari egokitutako segurtasun-maila bat bermatzeko egokiak diren segurtasun-neurri teknikoak eta antolamendukoak betetzen direla, datu pertsonalen segurtasuna eta osotasuna bermatzeko eta datuok aldatzea, galtzea edo baimenik gabe tratatu edo eskuratzea saihesteko, aintzat hartuta teknologiaren egoera, aplikazioaren kostuak, biltegiratutako datuen izaera, tratamenduaren irismena, bai eta zer arriskuren eraginpean dauden eta horrek zer inpaktu izan dezakeen pertsona fisikoen eskubide eta askatasunetan ere, arriskuok giza ekintzatik nahiz ingurune fisiko edo naturaletik etorri, indarreko araudian eskatutakoa betetze aldera.

Nolanahi ere, erabiltzaileri jakinarazi zaio eta onartzen du Interneteko segurtasun-neurriak ez direla gaindiezinak.

8) Cookieen politika

Erabiltzaileak cookieen instalazioa konfiguratu eta onartu dezake bere ekipoan. Informazio osoa web-orri honetan txertatutako Cookieen Politikan aurki dezakezu, ondorengo esteka honetan

9) Aplikatzekoa den jurisdikzioa eta legeria.

Baldintza hauek Espainiako legeriaren mende daude, eta edozein unetan berrikusi eta aldatu ahalko dira, indarreko legerian egindako edozein aldaketara egokitze aldera.

Webgune honetan argitaratutako informazioaren bidez, Kutxabankek modu eguneratuan betetzen du EHA/2899/2011 Aginduak, urriaren 28ak, banku-zerbitzuen gardentasunari eta babesari, informazioa eskuratzeari eta gobernu onari buruzkoak ezartzen duen gardentasun printzipioa, eta mekanismo egokiak erabiltzen ditu informazioa eskuragarria, kalitatezkoa eta elkar eragiteko eta berrerabiltzeko modukoa izateko, bai eta informazio hori identifikatu eta lokalizatzeko beharrezkoak direnak ere.

10) Confianza Online zerbitzuari atxikitako erakundea

Gure erakundea Confianza Online (irabazi asmorik gabeko elkartearen) zerbitzuari atxikita dago eta Elkarteen Erregistro Nazionalean izena emanda: 1. taldea; 1. atala; 594400 zenbaki nazionala; IFK: G85804011; Helbidea: Carrera San Jéronimo,18, 4º1, 28014 Madril (Espainia). Gehiago jakiteko www.confianzaonline.es

Honako Baldintza Orokor hauek Espainiako legeriak arautzen ditu. Halaber, Auziak Ebazteko Bitartekaritzari buruzko Legean xedatutakoa betez, egon litezkeen gatazkak beste norbaitek ebazteko, erabiltzaileek Confianza Online zerbitzura jo ahal izango dutela jakinarazi nahi diegu gure kontsumitzaileei. Hala egin daiteke aipatutako zerbitzuari atxikitako erakundea garen aldetik eta gure Kode Etikoan jasotakoaren arabera. (https://www.confianzaonline.es/consumidores/como-reclamar/formularioreclamaciones/). Erreklamazio horiek kontsumitzaileekin egindako salerosketa elektronikoen ingurukoak edo aurreko eremu honi lotutako datuen babesari buruzkoak badira, Confianza Online zerbitzuaren Bitartekaritza Batzordeak ebatziko ditu. Aipatutako zerbitzua kontsumo arloko auzien ebazpenean bitartekaritza egiteko gaituta dago. Erreklamazioak publizitate digitalaren ingurukoak edo arlo horri lotutako datuen babesari buruzkoak badira, AUTOCONTROLeko Publizitate Epaimahaiaren mende jarriko dira.

Gainera, Europako Batasunaren online arloko auziak ebazteko plataformara jo dezakezula gogorarazi nahi dizugu, honako esteka honetan sakatuta: https://ec.europa.eu/consumers/odr/main/?event=main.home2.show.

Datuen Babeseko Politika

Kutxabank S.A. entitateak konpromiso irmoa du gure bezeroen datu pertsonalak eta informazioaren konfidentzialtasuna babesteko, bai eta une oro erakundeak haien datuei emandako tratamenduari buruzko informazio eguneratu eta osoa emateko ere, indarrean dagoen araudiari jarraikiz. Horregatik, Kutxabank SA enpresan (aurrerantzean, Kutxabank) zure datuak nola tratatzen ditugun jakinaraziko dizugu jarraian.

Kutxabankek Bezeroen datu pertsonalak babesteko Politika hau garatu du, eta edozein unetan eskura dezakezu www.kutxabank.es eta www.kutxabank.com webguneetako «Pribatutasuna» atalean. Horretan, zure datu pertsonalak zurekin ditugun harremanetan nola erabiliko ditugun kontsulta dezakezu, xehetasun osoz. Era berean, informazio hori paperean eska dezakezu gure edozein bulegotan.

Gurekin dituzun harremanak kudeatzeko orduan, Kutxabankek Politika honetan jakinarazitako helburuekin tratatuko ditu zure datu pertsonalak, betiere indarrean dagoen araudian ezarritakoari jarraikiz, zure eskubideak errespetatuz eta gardentasun osoz.

1. Araudi aplikagarria

Hona hemen zure datu pertsonalekin egingo ditugun tratamenduak arautzen dituzten arau nagusiak:

• 2016/679 (EB) Erregelamendua, Europako Parlamentuarena eta Kontseiluarena, 2016ko apirilaren 27koa, datu pertsonalen prozesamenduan eta datu horien zirkulazioan pertsona fisikoak babesteari buruzkoa eta 95/46/EE Zuzentaraua indargabetzen duena (hemendik aurrera, DBEO).
• 3/2018 Lege Organikoa, abenduaren 5ekoa, datu pertsonalak babesteari eta eskubide digitalak bermatzeari buruzkoa (hemendik aurrera, DBEDBLO).

Hona hemen datu pertsonalak babestearen arloko betebeharrak jasotzen dituzten beste arau batzuk:

• 34/2002 Legea, uztailaren 11koa, Informazioaren eta Merkataritza Elektronikoaren Gizarteko Zerbitzuei buruzkoa.
• 10/2010 Legea, apirilaren 28koa, kapital-zuriketaren eta terrorismoaren finantzaketaren prebentziorako neurriei buruzkoa.
• 2/2023 Legea, otsailaren 20koa, arau-hausteei eta ustelkeriaren aurkako borrokari buruzko informazioa ematen duten pertsonak babesteari buruzkoa.

2. Tratamenduaren arduraduna

Tratamenduaren arduraduna: Gurekin dituzun kontratu eta negozio harremanetan zure datu pertsonalen tratamenduaren arduraduna Kutxabank S.A. da, Kale Nagusia 30-32, 48009 (Bilbo) helbidean egoitza duena eta info@kutxabank.es helbide elektronikoa duena.

KutxabankekDatuak Babesteko Ordezkaribat dauka izendatuta, eta hark erantzungo du zure datu pertsonalen tratamenduari eta zure eskubideak erabiltzeari buruz izan dezakezun edozein zalantza. Datuak Babesteko Ordezkariarekin harremanetan jar zaitezke, eta zure iradokizun, galdera, zalantza edo erreklamazioak helaraz diezazkiokezu helbide elektroniko honetara: dpo@grupokutxabank.com

Era berean, Kutxabankek tratamenduaren erantzukizun partekatuko kontratuak sinatu ditu hurrengo filialekin: Kutxabank Pensiones, Baskepensiones BGAE eta Kutxabank Enplegua BGAE pentsio-planak eta borondatezko gizarte-aurreikuspeneko erakundeak kudeatu eta administratzeko. Hona hemen akordio horien alderdirik nabarmenenak:

Kutxabank Pensiones, Baskepensiones BGAE eta Kutxabank Enplegua BGAE entitateen datu pertsonalen tratamenduaren xedea bazkide arrunten eta pentsio-planen onuradunen eta BGAE entitateak bere Aurreikuspen Planen atxikipeneko kontratu-harremana formalizatzea, kudeatzea eta gauzatzea da. Tratamendu honen oinarri legitimatzailea aipatutako atxikimenduzko kontratua betetzea da.

Kutxanbankek datu pertsonalak tratatzearen helburua da bezeroei bermatzea erabateko kalitateko zerbitzua emango zaiela, haien interesak gehiago babestea eta edozein produktura atxikitzeko kontratu-harremanaren ondorioz gerta daitekeen edozein gorabeheraren jarraipen hobea egitea. Tratamendu honen oinarri legitimatzailea da aipatutako erakundeetako bazkideei kalitatezko arreta ematearen interes legitimoa, bai eta horrelako eragiketak behar bezala egiten direla bermatzea ere.

Aipatutako arrazoiak direla eta, Kutxabankek berak egiten du datu pertsonalen tratamenduarekin lotutako prozesua, bere izenean eta kontura, eta erantzunkide bakoitzaren kontura.

Nolanahi ere, zure eskubideak erabil ditzakezu Kutxabank SA entitatearen aurrean.

Kutxabankek iruzurraren prebentziorako informazio hartu-emaneko zerbitzuaren erantzukizun partekatuko akordioa eratuta du harpidetutako Entitateekin. Aipatutako fitxategiari atxikitako entitateen informazioa aurkituko duzu esteka honetan: https://www.iberpay.com/es/servicios/sectoriales/payguard/

Tratamendu honen bidez, eragiketa susmagarrien edo baimendu gabeen datuak erregistratu eta kontsultatuko dira Iberpayk tratamenduko eragile gisa lan egiten duen biltegi komun batean, iruzurrezko transakzio susmagarriak detektatu eta prebenitzeko, edo eragindako titularrak iruzurrezko transakzioak onartu baditu. Bere oinarri legitimatzailea interes legitimoa da, bai hirugarrenek egindako iruzurrek uki ditzaketen kontuen titularrena, bai bere kontuan jatorria edo helmuga duten eragiketetan iruzurra atzeman eta prebenitzeko erakundearena.

3. Datuen kategoriak

Kutxabanken askotariko datu pertsonalak tratatuko ditugu, informazio-eskabideak edo gurekin izango dituzun kontratu aurreko edo kontratuzko harremanak kudeatu ahal izateko.

Jarraian, zer kategoriatako datuak tratatuko ditugun adieraziko dugu, jakinik adieraziko ditugun datu-kategoria guztiak ez direla beti datu-tratamendu guztietan erabiltzen.

Egiten ditugun tratamendu-jardueren xehetasunak 4. atalean daude jasota; horretan, zehatz-mehatz aztertu ahalko duzu tratamendu zehatz bakoitzeko zer datu-kategoria erabiltzen diren; hala, nahi baduzu, DBEOan onartzen zaizkizun eskubideak erabiltzeko beharrezko informazioa izango duzu, bereziki, aurka egiteko eta adostasuna ezeztatzeko eskubideak erabiltzeko.

Hona hemen tratamendu bakoitzak erabiltzen dituen datu-kategoriak:

• Zuk eman dizkiguzun datuak, kontratuen altan edo gurekin harremana izatean, zuzenean zein zure legezko ordezkariaren edo ahaldunaren bidez, bai eta erakundearekin tratamenduaz eragile gisa arduratzeko akordioak egin dituzten erakunde publiko eta pribatuen bitartez ere.
  • Identifikatzeko eta harremanetarako datuak: identifikazio-agiria, izen-abizenak, sexua, posta bidez, telefono bidez edo elektronikoki harremanetan jartzeko informazioa, egoitza, nazionalitatea eta jaioteguna. Erantzukizun publikoa duen pertsona izatea edo erantzukizun publikoa duen pertsona batekin harremana izatea, kapitalak zuritzeari buruzko araudiaren ondorioetarako eta helburu horrekin soilik.
  • Datu sozioekonomikoak: jarduera profesionalaren edo lanbide-jardueraren datuak, diru-sarrerak edo ordainsariak, familia-unitatea edo familia-ingurunea, ikasketa-maila, ondarea, datu fiskalak eta zerga-arlokoak.
  • Datu finantzarioak: kontratatutako produktu eta zerbitzuak, produktuarekiko harremana (titularra, baimendua edo ordezkaria), Finantza Tresnen Merkatuei buruzko Zuzentarauaren (MiFID) araberako kategoria.
  • Datu biometrikoak: hatz-aztarna eta aurpegi-azterketa.
  • Deien grabaketetan jasotako datuak: Kutxabankek zurekin izandako deiak edo komunikazio elektronikoak grabatu ahalko ditu (erabil daitekeen edozein bidetatik: posta elektronikoa, txata, SMSa, berehalako mezularitzako aplikazioak, sare sozialak, etab.), eta zerbitzuetara sartzeko erregistro informatiko eta telematikoak gorde ahal izango ditu. Behar izanez gero, Kutxabankek frogabide gisa erabili ahalko ditu grabaketa horiek, sor daitekeen edozein prozedura judizial, administratibo edo arbitraletan. Grabaketon oinarria da Kutxabankek kalitate- eta segurtasun-kontrolak egiteko eta bezeroen agindu eta transakzioen frogak lortzeko duen interes legitimoa, legezko betebeharrak betetze aldera; halakoak izan daitezke inbertsio-zerbitzuei buruzko deiak, esaterako. Ildo horretan, Kutxabankek grabatu eta/edo erregistratuko diren dei eta/edo komunikazio guztietan jakinaraziko du grabatzen eta/edo erregistratzen ari direla.
  • Bideozaintzan horrelako tratamenduetarako soilik jasotako datuak.
  • Hirugarrenei buruz zuk emandako datuak: Kutxabankek zuk emanak izanik hirugarrenei buruzkoak diren datu pertsonalak tratatu ahal izango ditu, kontratu bat gauzatzeko beharrezkoak direnean. Ildo horretan, bermatzen duzu hirugarren horiek (onuradunak, familiakoak, abal-emaileak, etab.) informatu dituzula eta haien baimena lortu duzula Kutxabankek haien datuak tratatzeko. Era berean, hirugarren horiei datuen babesaren arloan dituzten eskubideen berri eman diezula bermatzen duzu; hala, hirugarrenok aukera dute Kutxabankera jotzeko beren eskubideak erabiltzeko, 8. apartatuan zehaztutako prozedurari jarraikiz.

Datu pertsonalak guraso-ahala dutenek edo desgaitasunen bat duten pertsonen legezko ordezkariek eman dituztenean, ordezkariok emango diote baimena Kutxabanki datuok jasotzeko, bai eta Politika honetan deskribatutako helburuekin erabili eta tratatzeko ere.

Zuk hirugarrenei informazioa eman eta hirugarren horiek informazio hori Kutxabanki lagata datuak lortu baditugu, datuok Kutxabanken datu-baseetan sartu aurretik zure baimena behar izango dugu. Halakoetan, Kutxabank zurekin harremanetan jarriko da, gehienez ere hilabeteko epean, Politika honetan jasotako informazioa emateko.

Kontratu-harreman osoan Kutxabanki eman dizkiozun datu pertsonal guztien egiazkotasuna bermatzen duzu eta zure gain hartzen duzu Banketxeari datuotan egon daitekeen edozein aldaketaren berri emateko betebeharra, datuak babesteko politika honetan jasotako ondorioetarako. Nolanahi ere, eta jakinarazteko betebeharra gorabehera, Erakundeak zuri buruz dituen datuak aldian-aldian berrikusteko eta eguneratzeko eskatu ahalko dizu, eta dagozkion egiaztapenak egin ahalko ditu, indarreko araudiaren barruan.

• Produktu eta zerbitzuak mantentzeari buruzko datuak. Datuok dira:
  • Finantza datuak: apunteen eta eragiketen informazioa, egindako inbertsioen eta haien eboluzioari buruzko informazioa, finantzazioei buruzko informazioa, zordunketa eta kreditu txartelen eragiketen laburpenei buruzko informazioa, Entitatearekin kontratatutako produktu eta zerbitzuei buruzko informazioa eta ordainketa-historia.
  • Datu digitalak:
    • Hormen, bideokonferentzien, telefono-deien eta antzeko bideen bitartez egin ditugun komunikazioetan lortutako datuak.
    • Identifikatutako gure online kanaletan (Banka Mugikorra eta Online Banka) egindako nabigazioetatik lortutako datuak, nabigazio-historiari buruzkoak (bisitatutako orrialdeak edo atalak eta klik egindako edukiak), baimena eman badiguzu.
    • Gure web-orrietan edo mugikorreko aplikazioetan egin dituzun nabigazioetan lortutako datuak (gailuaren IDa, publizitatearen IDa, IP helbidea eta nabigazioaren historia), baldin eta zure nabigazio-gailuetan cookieen eta antzeko teknologien erabilera onartu baduzu. Cookieekin lotutako tratamenduen inguruan Kutxabankek duen politikari buruzko informazioaren xehetasuna kontsultatu dezakezu Kutxabanken web-orri guztietan. Cookien bitartez egiten den tratamendu hau, web-orria funtzionatzeko beharrezkoak direnak salbu, Kutxabankek existitzen diren web-orri bakoitzean emandako baimena duenean bakarrik egingo da, non «Cookien Politika» bat dagoen, halako tratamenduaren inguruko informazio guztiarekin. Horrez gain, zure nabigazio-ohituren tratamenduaren kasuan, zuk bisitatutako orrialdeak ere barne hartuko ditu. Tratamendu hori egiteko, aurretiko baimena eskatuko dizugu, horietako tratamendu bakoitzerako.
  • Datu geografikoak: zure gailu mugikorraren geolokalizazio-datuak, zeinak gure aplikazioak instalatzean eta/edo erabiltzean ematen diren, aplikazioaren konfigurazioan bertan horretarako baimena eman ondoren.

Inola ere ez ditugu tratatuko lehiaren printzipioak edo enpresa-sekretuak urratzen dituzten datuak.

• Kutxabankek gainerako datu-kategoriak aztertu eta tratatzetik inferitu edo ondorioztatutako datuak. Datuok dira:
  • Bezeroak kategoria eta segmentutan multzokatzea zenbait irizpide objektibotan oinarrituta, esaterako, haien adina, diru-sarreren maila, jabetza higiezinak, prozesuak, produktu eta zerbitzuen kontsumoak, edo produktuak kontratatzeko orduan dituzten lehentasunak, edo Finantza Tresnen Merkatuei buruzko Zuzentarauaren (MiFID) araberako kategoria.
  • Ordaintzeko edo ez ordaintzeko probabilitateak edo arrisku-mugak esleitzen dituzen scoring puntuazioak.

Jakin behar duzu ez dugula aterako zure jatorri etnikoa edo arraza, zure iritzi politikoak, zure erlijio- edo filosofia-arloko sinesmenak edo zure afiliazio sindikala agerian jarriko duen daturik, eta ez dugula tratatuko datu genetikorik, ez eta zure osasunari edo zure bizitza sexualari edo sexu-joerari buruzko daturik ere («datu-kategoria bereziak»).

• Zuzenean eman ez dizkiguzun datuak, publikoaren eskura dauden iturrietatik, erregistro publikoetatik edo kanpoko iturrietatik eskuratuak. Datuok dira:
  • Ondare-kaudimenari eta kredituari buruzko datuak, Asnef (Equifax) eta Badexcug (Experian) fitxategietatik eskuratuak.
  • Finantza-sisteman mantendutako arriskuei buruzko datuak, Espainiako Bankuko Arriskuen Informazio Zentralaren (CIRBE) datu-basetik eskuratuak.
  • Nazio Batuek, Europar Batasunak, Espainiako Erresumak, Erresuma Batuak eta/edo U. S. Department of the Treasury's Office of Foreign Assets Control (OFAC) departamentuak ezarritako nazioarteko zehapen ekonomiko eta finantzarioen arloko lege, araudi, jarraibide, ebazpen, programa edo neurri murriztaileetan agertzen diren pertsonen edo erakundeen datuak.
  • Sarbide publikoko datuak: prentsa, sare sozialak, Internet, aldizkari ofizialak, erregistro publikoak, Herri Administrazioen ebazpenak, katastroa, telefono-gidak eta elkargo profesionalen kideen zerrendak.
  • Iruzurra prebenitzeko informazio-sistemetatik –adibidez, Confirma eta Iberpay– datorren informazioa.
  • INFORMAren datu-baseetatik ateratako datuak, jarduerari buruzko informazioa osatzeko erabiliko ditugunak. Nekazaritzako dirulaguntzen eta aseguruen datuak.
  • Nekazaritza Bermatzeko Espainiako Funtsak (FEGA) eta Nekazaritza Aseguruen Estatuko Erakundeak (ENESA) argitaratutako datuak.
  • Zurekin lotutako higiezin eta ibilgailuei buruzko datuak: katastrotik lortutako datuak eta Trafikoko Zuzendaritza Nagusitik lortutako ibilgailuen oinarrizko datuak, zure higiezin eta ibilgailuei buruzko informazioa osatzeko erabiliko ditugunak.
  • Higiezinen, ibilgailuen edo beste ondasun higigarri eta aktibo batzuen balorazioari buruzko informazioa, beren kaudimena balioestea ahalbidetzen duten aintzatetsitako iturrietatik lortuak.
  • Interes orokorreko hornidura-zerbitzuen konpainiek lortutako profilei buruzko informazioa (energia, komunikazioak, etab.).

4. Zein tratamendu egiten ditugu zure datuekin?

Egiten ditugun tratamenduek askotariko helburu eta oinarri juridikoak dituzte.

4.1 Bezeroaren alta izapidetzea eta kontratazioaren eskabidea egitea edo produktu eta zerbitzuak formalizatzea

Tratamenduaren deskribapena

Zure datuak gure sisteman alta eman aurretik, bezeroen datu pertsonalak babesteko politika honen berri emango dizugu eta, jarraian, kontratuaren aurretiko jarduera hasteko eta eskatu diguzun kontratuzko harremanerako behar diren gutxieneko datuak eskatuko dizkizugu.

Kutxabankek, besteak beste, tratamendu hauek egingo ditu:

• Zure bezeroen alta eta onarpena administratiboki kudeatzeko beharrezkoak diren datu eta dokumentuak jasotzea.
• Produktu baten kontratazioa kudeatzea.
• Arriskuak emateko politikak aplikatzea; eskatutako kontratua gauzatzea bideragarria den aztertzeko beharrezkoak diren profilak egin daitezke haren kreditu-gaitasunari buruz.
• Haren egokitasuna eta inbertsio-profila ebaluatzea MiFID produktu eta zerbitzuak kontratatzeko.
• Produktu eta zerbitzuen kontratuen sinadura formalizatzea.

Tratamenduaren helburua

Tratamendu honen helburua da zure datu pertsonalak tratatzea, bezero modura altan emateko eta kontratazio-eskabidea eta kontratuen formalizazioa aztertzeko.

Tratamenduaren oinarria

Tratamenduok egiteko orduan, oinarritzat hartuko dira une bakoitzean bezeroak onartzeko eta altan emateko prozesuari eta produktu bakoitza kontratatzeko prozesuei buruz indarrean dagoen legerian ezarritako betebeharrak.

Erabilitako datuen kategoriak

Helburu horiek lortzeko, datu hauek erabiliko ditu Kutxabankek:

• Zuk eman dizkiguzun datuak, kontratuak alta ematean edo gurekin harremana izatean.
• Produktu eta zerbitzuak mantentzeari buruzko datuak.
• Kutxabankek gainerako datu-kategoriak aztertu eta tratatzetik inferitu edo ondorioztatutako datuak.
• Zuzenean eman ez dizkiguzun datuak, publikoaren eskura dauden iturrietatik, erregistro publikoetatik edo kanpoko iturrietatik eskuratuak.

Horrez gain, mailegu- eta kreditu-eragiketak kontratatzeko, Kutxabankek ondare kaudimenari eta kredituari buruzko informazioa ematen duten entitateen datuak tratatu ahal izango ditu, barne hartuta Espainiako Bankuaren Arriskuen Informaziorako Zentrala, eta profilak prestatu ahalko ditu datu estatistikoetan, datu soziodemografikoetan edo ondare-kaudimeneko datu-baseen kontsultetan edo Politika honetan adierazitako eskuragarri dauden beste iturri batzuetan oinarrituta. Hori guztia, eskatutako eragiketaren kaudimena eta arriskua aztertzeko legez dugun betebeharra betetze aldera.

Iberpayko kontuaren titulartasuna egiaztatzeko zerbitzua

Horrez gain, zure identifikazio- eta kontu-datuak tratatuko ditugu, zure kontuaren titulartasuna egiaztatzeko, zurekin banku-helbideratzea edo konturako zordunketa bat eskatzen duen kontratu-harreman bat hasi duen hirugarren batek eskatzen duenean.

Kontu batean berehalako edo etorkizuneko kobrantza edo ordainketa bat formalizatu nahi denean, kontu horren titulartasuna egiaztatzeko datuei egindako tratamenduaren oinarrian egiaztapena eskatu duen hirugarrenarekin eta Kutxabankekin duzun kontratu-harremana dago, eta xedea da alderdien artean sinatutako kontratua behar bezala betetzea, halako moldez non aurretiazko egiaztapen bat egingo baita, ordainketa helbideratzeko kontuan akatsen bat egonez gero eragin daitezkeen kalteak saihesteko.

4.2 Kontratuzko harremana garatu, kontrolatu, mantendu eta eguneratzea

Tratamenduaren deskribapena

Tratamenduzko eragiketa hauek egin behar dira:

• Zuk egindako eskakizun eta aginduak tratatzea.
• Eragiketak, kobrantzak, berreskurapenak kudeatzea.
• Auditoretzako jarduerak egitea eta, hala badagokio, kontratuzko harremanaren esparruan Kutxabanki eragiten dioten espediente aurrejudizial, administratibo, judizial edo administratiboak kudeatu eta kontrolatzea.
• Jasotako erreklamazioak hartu, izapidetu, kudeatu, erantzun eta horien berri ematea.
• Banka pribatuaren eta aseguruen segmentuko administrazio-kudeaketaren eta barne-eragiketen eraginkortasuna hobetzea.

Tratamenduaren helburua

Tratamenduaren xedea da formalizatuta daukagun kontratuzko harremana gauzatu, kontrolatu, mantendu eta eguneratzea.

Tratamenduaren oinarria

Tratamenduok beharrezkoak dira ezarriko dugun kontratuzko harremana mantentzeko, eta tratamenduok ez gauzatzeak harreman hori kudeatzea eragotziko luke. Tratamenduon oinarrian Entitatearen kontratuzko eta legezko betebeharrak betetzea dago, bai eta haren interes legitimoa ere, eta dagozkion haztapen-azterketak egin dira horretarako.

Erabilitako datuen kategoriak

Helburu hori lortzeko, datu hauek erabiliko ditu Kutxabankek:

• Zuk eman dizkiguzun datuak, kontratuak alta ematean edo gurekin harremana izatean.
• Gurekiko harremana mantentzeari buruzko datuak.

Datuak lagatzea

Kutxabankek eskubidea izango du bere datuak lagatzeko agintari, kontrol- eta ikuskapen-erakunde eta agintaritza judizial, administratibo eta fiskal eskudunei, une bakoitzean aplikatzekoa den araudia betetze aldera, bereziki, baina izaera mugatzailerik gabe, bankuen eta finantzen arloan. Era berean, Kutxabankek zure datuak laga ahalko dizkie izapideetan ezinbestekoak diren laguntzaileei, esaterako, preskriptoreei, auditoreei, notarioei eta erregistro eta erakunde publikoet, bai eta banka pribatuko sozietateei eta taldeko aseguruei ere, administrazio-kudeaketaren eta barne-eragiketen eraginkortasuna hobetze aldera soilik, baldin eta segmentu horretakoa bazara; gainera, edozein unetan aurka egiteko eskubidea izango duzu.

4.3 Kontabilitateko, legezko, zerga- eta administrazio-arloko betebeharrak betetzea

Tratamenduaren deskribapena

Aipatzearren baina mugatzeko asmorik gabe, helburu hauekin egindako tratamendurik garrantzitsuenak jakinaraziko dizkizugu:

• Erakundearen kontabilitateko betebeharrak betetzea.
• Hala Entitatearen nola pertsona fisiko eta juridikoen betebehar fiskalak betetzea, banakako zerga-sistemari dagokionez, egindako eragiketen ondorioz.

Tratamenduaren helburua

Tratamenduaren helburua da kontabilitateko, legezko, zerga- eta administrazio-arloko betebeharrak betetzea.

Tratamenduaren oinarria

Zure datuak tratatzea beharrezkoa da zure jardueragatik Entitateari eskatzen zaizkion kontabilitateko, zerga-arloko eta legezko betebeharrak betetzeko.

Erabilitako datuen kategoriak

• Zuk eman dizkiguzun datuak, kontratuak alta ematean edo gurekin harremana izatean.
• Gurekiko harremana mantentzeari buruzko datuak.

Datuak lagatzea

Kutxabankek eskubidea izango du bere datuak lagatzeko agintari, kontrol- eta ikuskapen-erakunde eta agintaritza fiskal eskudunei, une bakoitzean aplikatzekoa den araudia betetze aldera, bereziki, baina izaera mugatzailerik gabe, banku eta finantzen arloan. Era berean, Kutxabankek beharrezkoak diren kolaboratzaileei datuak laga ahalko dizkie izapideetan, esaterako, notarioei eta erregistro publikoei.

Onuraduna egiaztatzeko zerbitzua, berehalako transferentzietarako

Transferentzia batean parte hartzen duten erakundeek onuradunaren datuak (izen-abizenak, NANa) eta kontu-zenbakia (IBAN) tratatu ahalko dituzte, egiaztatzeko agindu-emaileak izendatutako onuraduna benetan dela transferentziaren xede-kontuaren titularra. Baldin eta ez badira guztiz bat etortzen agindu-emaileak emandako izena eta onuradunaren erakundeak erregistratutakoa, erregistratutako izenaren berri eman ahalko zaio agindu-emaileari.

Transferentzia baten onuraduna egiaztatzeko egindako tratamenduak oinarri du arduradunari aplikatu beharreko legezko betebeharra, 2024/886 (EB) Erregelamenduak berehalako transferentzien inguruan ezarritakoa; horren arabera, ordainketa-zerbitzuen hornitzaileak behartuta daude onuradunaren izena eta IBANa bat datozela egiaztatzeko zerbitzu bat eskaintzera, oker edo iruzur asmoarekin egindako ordainketak saihesteko.

4.4 Diruzko betebeharrak betetzea / ez betetzea

Tratamenduaren deskribapena

Hona hemen helburu hauekin egindako tratamenduak:

• Ez-ordaintzeei buruzko datuak jakinaraztea fitxategiei, diruzko betebeharrak betetzeari edo ez betetzeari buruzkoak, datuen babesaren araudian ezarritakoari jarraikiz. Kutxabanken ardura izango da bermatzea zorrak zehatzak, ordaingarriak eta galdagarriak direla eta ez direla izan bere aldetiko erreklamazio judizial, arbitral edo administratibo baten xede.
• Ondare-kaudimeneko eta kredituko fitxategi komunetan datuak kontsultatzea behar den heinean, kontratatu aurretik kaudimen ekonomikoa egiaztatzeko edo dagoeneko kontratatutako eragiketen jarraipen egokia egiteko. Kontsulta horietan oinarrituta, Kutxabankek zuregan eragina izan dezaketen erabakiak har ditzake, esaterako, kontratua ez egitea. Eragiketa bat atzera botatzearen arrazoia ondare-kaudimeneko fitxategietan agertzean soilik oinarritzen bada, arrazoi horren berri emango zaizu.

Tratamenduaren helburua

Tratamenduaren xedea da trafiko ekonomikoaren segurtasuna mantentzea eta interes orokorra babestea, Entitatean egindako arriskuen analisiak hobetzeko eta, hala, segurtasuneko eta kaudimeneko baldintzen merkataritza-truke askea babesteko.

Tratamenduaren oinarria

Tratamenduok zuhurtasunezko mailegua emateari buruzko araudia eta aplikatzekoa den gainerako legeriak eskatutako gainerako legezko neurriak betetzeko egiten dira.

Erabilitako datuen kategoriak

• Zuk eman dizkiguzun datuak, kontratuak alta ematean edo gurekin harremana izatean.
• Gurekiko harremana mantentzeari buruzko datuak.
• Kreditu-eragiketak ordaindu gabe izatearen ondoriozkoak, zehazki, ordaindu gabeko saldoa eta egoera irregularraren iraupena.
• Zuzenean eman ez dizkiguzun datuak, publikoaren eskura dauden iturrietatik, erregistro publikoetatik edo kanpoko iturrietatik eskuratuak. Datuok dira:
  • Ondare-kaudimenari eta kredituari buruzko datuak, Asnef (Equifax) eta Badexcug (Experian) fitxategietatik eskuratuak.
  • Finantza-sisteman mantendutako arriskuei buruzko datuak, Espainiako Bankuko Arriskuen Informazio Zentralaren (CIRBE) datu-basetik eskuratuak.

Datuak lagatzea

Ez-ordaintzeei buruzko datuak diruzko betebeharrak betetzeari edo ez betetzeari buruzko fitxategiei, Badexcug (Experian) eta Asnef (Equifax) fitxategiei eta CIRBE zentralari jakinarazi ahalko zaizkie, araudi espezifikoari jarraikiz.

4.5 Kapitalak zuritzearen eta terrorismoa finantzatzearen prebentzioaren arloko betebeharrak betetzea

Tratamenduaren deskribapena

Hona hemen helburu hauekin egindako tratamenduak:

• Bezeroen arretaren eta ezagutzaren betebeharrak betetzeko beharrezkoa den informazioa eta dokumentazioa eskuratzea, bereziki, haien nortasunari, jarduera ekonomikoari eta bezeroen kontratatzeko asmoari buruz. Era berean, egiaztatzea ea zuk edo zure ahaideek erantzukizun publikoko karguren bat betetzen duzuen edo bete duzuen.
• Egiaztatzea elkarteekin duzun harremana eta, hala badagokio, haietan duzun kontrol-maila.
• Zuri buruzko informazioa Titulartasun Finantzarioen fitxategiari jakinarazi eta han eguneratzea; fitxategi hori Kapital-zuriketa eta Moneta Arau-hausteak Prebenitzeko Batzordearen Zerbitzu Exekutiboaren ardurapean dago.
• Kapitalak zuritzearen susmopeko prozesuak aztertzea, araudi espezifikoak ezarritako betebeharrak betetzeko.
• Informazioa jakinaraztea Kapital-zuriketa eta Moneta Arau-hausteak Prebenitzeko Batzordearen Zerbitzu Exekutiboari.
• Egiaztatzea ea Europar Batasunak, Espainiako Erresumak edo nazioarteko beste erakunderen batek egindako nazioarteko zehapen eta finantzazko kontraneurrien zerrendaren batean zauden, pertsona edo erakunde gisa.

Tratamenduaren helburua

Tratamendu honen helburua da kapitalak zuritzearekin eta terrorismoaren finantziazioarekin lotutako delituzko jarduerak prebenitzea, gaiari buruzko araudi espezifikoan jasota dagoenari jarraikiz.

Tratamenduaren oinarria

Tratamenduok kapitalak zuritzearen eta terrorismoa finantzatzearen prebentzioaren arloko indarreko legeria betetzeko egiten dira; lege horiei jarraikiz, banketxeek beren bezeroen nortasunari eta jarduera ekonomikoari buruzko informazioa eta dokumentazioa eskuratzeko betebeharra dute, bezeroen behar bezalako arretako eta ezagutzako neurriak aplikatze aldera.

Datuen kategoriak

• Zuk eman dizkiguzun datuak, kontratuak altan ematean edo gurekin harremana izatean.
• Produktu eta zerbitzuak mantentzeari buruzko datuak.
• Kutxabankek gainerako datu-kategoriak aztertu eta tratatzetik inferitu edo ondorioztatutako datuak. Datuok dira:
  • Zuzenean eman ez dizkiguzun datuak, publikoaren eskura dauden iturrietatik, erregistro publikoetatik edo kanpoko iturrietatik eskuratuak, hots, Nazio Batuek, Europar Batasunak, Espainiako Erresumak, Erresuma Batuak eta/edo U. S. Department of the Treasury's Office of Foreign Assets Control (OFAC) departamentuak ezarritako nazioarteko zehapen ekonomiko eta finantzarioen arloko lege, araudi, jarraibide, ebazpen, programa edo neurri murriztaileetan agertzen diren pertsonen edo erakundeen datuak.

Datuak lagatzea

Indarreko araudiak Talde Ordezkatua osatzen duten entitate filialekin informazioa partekatzera behartzen eta gaitzen du Kutxabank, kapitalen zuritzea eta terrorismoaren finantziazioa prebenitze aldera.

Era berean, Kutxabankek Finantza Titulartasunen Fitxategiari aitortu behar dio kontu korronteak, aurrezki kontuak, gordailuak eta bestelako ordainketa kontuak ireki edo ezeztatu behar dituela, baita segurtasun kutxen alokairu kontratuak eta alokatze aldia ere, merkataritza izena edozein dela ere, hala, identifikazio datuak kapitalen zuritzea eta terrorismoaren finantzaketa prebenitzeko eta eragozteko sortutako fitxategiaren parte izango dira. Fitxategi horren arduraduna Ekonomiako eta Enpresak Babesteko Estatu Idazkaritza da.

4.6 Iruzurrezko jokabideen prebenizioa

Tratamenduaren deskribapena

Hona hemen helburu horrekin egindako tratamenduak:

• Gure sistemen bidez egiten diren eragiketak aztertu eta berrikustea, iruzur-arriskuak kudeatu eta gure bezeroak babesteko.
• Segurtasun-indar eta -kidegoek kudeatutako kanpoko datu-baseetako datuak kontsultatzea, iruzurretatik babesteko.

Tratamenduaren helburua

Tratamendu honen helburua iruzurra prebenitzea, hautematea eta/edo jazartzea da.

Erabilitako datuen kategoriak

Hona hemen helburu honetarako erabilitako datu-kategoriak:

• Zuk eman dizkiguzun datuak, kontratuak altan ematean edo gurekin harremana izatean.
• Produktu eta zerbitzuak mantentzeari buruzko datuak.
• Kutxabankek gainerako datu-kategoriak aztertu eta tratatzetik inferitu edo ondorioztatutako datuak.
• Zuzenean eman ez dizkiguzun datuak, publikoaren eskura dauden iturrietatik, erregistro publikoetatik edo kanpoko iturrietatik eskuratuak.

Tratamenduaren oinarria

Tratamenduaren oinarrian, batetik, hirugarrenek egindako iruzurren eraginpeko kontuen titularren interes legitimoa dago eta, bestetik, Kutxabanken interesa, zure kontuan jatorria eta jomuga duten banku-eragiketetan iruzurra hauteman eta prebenitzeko.

Datuak lagatzea

Delituzko egoerak saihesteko xede bakarraz, eta baldin eta iruzur bat gerta daitekeela hautemateko behar adina zantzu badaude, Kutxabank legitimatuta egongo da bere bezeroen datuak egoera horren eraginpeko enpresei lagatzeko, iruzur hori prebenitze aldera.

Iruzurraren prebentziorako informazio trukearen zerbitzuari dagokion tratamendua

Tratamenduaren erantzunkideak

Fitxategiaren arduradunak dira fitxategi komun horri atxikitako finantza entitate guztiak, tratamenduaren erantzunkide gisa. Entitateak aipatutako erantzukizun partekatuko akordioa du eta gure Datuak Babesteko Ordezkariaren helbidearen bitartez eskatu ahalko du: dpo@grupokutxabank.com. Halaber, fitxategi komunera atxikitako entitateen zerrenda eguneratua ikus daiteke esteka honetan: https://www.iberpay.com/es/servicios/sectoriales/payguard.

Tratamenduaren deskribapena

Eragiketa susmagarrien edo baimendu gabeen datuak erregistratu eta kontsultatzea Iberpayk tratamenduko eragile gisa diharduen biltegi komun batean.

Tratamenduaren oinarria

Tratamenduaren oinarria interes legitimoa da, bai hirugarrenek egindako iruzurrek uki ditzaketen kontuen titularrena, bai bere kontuan jatorria edo helmuga duten eragiketetan iruzurra atzeman eta prebenitzeko erakundearena.

Erabilitako datuen kategoriak

• Zuk eman dizkiguzun datuak, kontratuak altan ematean edo gurekin harremana izatean, zuzenean zein zure legezko ordezkariaren edo ahaldunaren bidez, bai eta erakundearekin tratamenduaz arduratzeko akordioak egin dituzten erakunde publiko eta pribatuen bitartez ere.
  • Identifikazio-datuak:
    • Izen-abizenak eta NANa.
• Produktu eta zerbitzuak mantentzeari buruzko datuak:
  • Eragiketa susmagarri edo baimendu gabeko eragiketari buruzko datuak.
  • IP konexio-datuak.
  • Geolokalizazioa.
  • Gailuaren identifikazioa.

Gordealdia

• Operazio susmagarriei dagozkien datuak hilabete batez gordeko dira.
• Baimendu gabeko operazioei dagozkien datuak 12 hilabetez gordeko dira.

Europar Batasunaren eremuko mugaz gaindiko ordainketetan iruzurra prebenitzeko funtzionalitatea

Beren egoitza Europar Batasunean duten finantza-erakundeen arteko mugaz gaindiko transferentzia bat igorri denez, jakinarazten dizugu litekeena dela zure xede-kontuaren zenbakiari eta titular onuradun gisa duzun izenari buruzko datu pertsonalak ere tratatzea, Europako ordainketa-sistemen bidez gerta daitezkeen anomaliak eta iruzur-patroiak detektatzeko.

Tratamendu honen helburua da eragiketa anomaloak edo irregularrak identifikatzea eta halakoak identifikatzeko aukera ematen duten portaerak eta arrisku-patroiak detektatzea.

Aipatutako datuak xede horrekin tratatzearen oinarrian Kutxabankek zure kontuan jatorria edo helmuga duten banku-eragiketetan iruzurra hauteman eta prebenitzeko duen interes legitimoa da. Era berean, deskribatutako tratamendua hirugarrenek egindako iruzurren eraginpeko kontuen titularren intereserako egiten da.

Anomaliak eta iruzur-patroiak detektatzean, tratamendu hau egingo da:

• Iruzurraren prebentzioari dagokionez, tratamenduak aukera ematen du kontuei eta ordainketei lotutako arriskuen denbora errealeko analisiak egiteko, tresna batzuen bidez, zeinari esker kontuetako datuak eta transakzioak baliozkotu baitaitezke aurrez identifikatutako patroi historikoetan oinarrituta, eta egon daitezkeen anomaliak eta adierazleak hauteman baitaitezke, iruzur-arriskuak ordainketa bat igorri aurretik edo kontua berresteko jardueren bitartean kudeatzeko.
• Iruzurra hautemateko, tratamenduak aukera ematen du transakzioaren ondoren analisiak egiteko, ordainketak egin ondoren arrisku handiko transakzioak ikertzen eta identifikatzen laguntze aldera.
• Azkenik, tratamenduari esker, datuak azter daitezke beste arrisku-patroi eta ordainketako anomalia batzuk identifikatzeko eta, hala, prebentzio- eta detekzio-prozesuak hobetzeko.

Kutxabankek ez dizkio transferentziako beste alderdia ez den ezein hirugarreni emango tratamendu horren ondorioz bildutako datuak, eta ezabatu egingo ditu bildu ziren xederako beharrezkoak izateari uzten diotenean edo, betiere, 14 hilabeteko epean, datuak bildu direnetik zenbatzen hasita.

Confirma fitxategia

Iruzur saiakerak prebenitzeko eta horiek saihesteko, Kutxabank Confirma Fitxategiari atxikita dago. Eragiketako eskaera baten esparruan Kutxabanki ematen dizkiozun datu pertsonalak (adibidez, kontu korrontea edo finantzatzeko kontua irekitzeko eskaera batengatik) Confirma fitxategiari jakinaraziko zaizkio, atxikitako erakundeek fitxategian erregistratutako eskaerak eta eragiketak erkatzeko helburuarekin, eskaera iruzurrezkoa izateko aukera baloratzeko.

Tratamenduaren erantzunkideak Confirma fitxategiaren erregelamenduari atxikitako erakundeak dira, eta tratamenduaren eragile Confirma Sistemas de Informacion SL da, Avda. de la Industria 18, Tres Cantos (28760) Madrid helbidea duena. Gaur egun Confirma Fitxategiaren Erregelamenduari atxikita dauden erakundeen zerrenda kontsulta dezakezu https://confirmasistemas.es/fichero-confirma webgunean. Confirma fitxategiaren erregelamenduari atxikitako erakundeek kontsultatu ahal izango dituzte Confirma fitxategiari jakinarazitako datuak. Informazio osagarria eta atxikitako erakundeen arteko erantzukizun partekatuko akordioaren funtsezko alderdiei buruzko informazioa eska dezakezu dpo@grupokutxabank.comhelbidera zuzenduta.

Horren legitimazio-oinarria da Confirma fitxategiari atxikitako erakundeek iruzurra prebenitzeko duten interes legitimoa, egon daitezkeen ondorio ekonomiko negatiboak saihesteko eta eskatzaileek legea betetzen dutela ziurtatzeko. Iruzurrezko eragiketak egiteko aukerak murrizten badira, oro har, horien ondoriozko delinkuentzia ere murrizten da, eta ondorioak ditu, halaber, beste delitu batzuen gainean, esaterako, kapitalen zuriketan edo terrorismoaren finantzaketan. Horrenbestez, fitxategi hau zure interesen mesederako da, argi eta garbi, hirugarrenen aldetiko iruzurrezko jardunbideen aurrean babestea duelako helburu.

Confirma fitxategia kontsultatzea egokia da lortu nahi den helburua kontuan hartuta, eta proportzionala da atxikitako erakundeek lortutako onurari eta zure pribatutasunaren gaineko eraginari dagokienez. Era berean, datuen tratamendua interesdunen arrazoizko espektatiben barruan dago, jardunbide arrunta baita eta kontratazio-eskaera baten esparruan gertatzen baita. Interesdunei kalteak eta ondorio negatiboak saihesteko, informazioaren konfidentzialtasuna eta segurtasuna indartzeko neurri teknikoak eta antolakuntzakoak hartu dira.

Datuak bost urtez gordeko dira, gehienez. Confirma Fitxategiaren Erregelamenduari Atxikitako Erakundeek kontsultatu ahal izango dituzte Confirma fitxategiari jakinarazitako datuak. Ez da aurreikusten zure datu pertsonalak hirugarren herrialde edo nazioarteko erakunde batera bidaltzea.

Datuak babesteari buruz indarrean dagoen araudiaren arabera, irispide-eskubidea, datuak zuzentzeko, ezabatzeko, aurka egiteko, transferitzeko, mugatzeko edo erabaki indibidual automatizatuen jomuga ez izateko eskubideak erabili ahal izango dituzu, tratamenduaren eragileari (Confirma Sistemas de Información SL) idatziz, goian adierazitako helbidera. Gainera, Datuak Babesteko Espainiako Bulegoan (www.aepd.es) erreklamazioa aurkeztu ahalko duzu. Confirma Sistemas de Información SL enpresak datuak babesteko ordezkari bat izendatu du, eta dpo@confirmasistemas.es helbide elektronikoaren bitartez jarri ahal izango zara harremanetan harekin, Confirma fitxategiarekin lotutako pribatutasuneko eskaeretarako.

4.7 Merkataritzako komunikazioak igortzea

Tratamenduaren deskribapena

Helburu horrekin egindako tratamendua jakinarazpen komertzialak bidaltzea da, orokorrak zein pertsonalizatuak, Kutxabankek merkaturatutako produktuak eta zerbitzuak sustatzeko, bai eta ekitaldi pertsonalekin (urtebetetzeak eta urteurrenak) eta ekitaldi publikoekin (Gabonak, kirol ekitaldiak, edo zuretzako interesgarriak izan daitezkeen gizarte eta/edo kultur ekitaldiak) lotutako komunikazioak bidaltzeko ere, edozein bidetatik, bitarteko elektronikoak barne.

Tratamenduaren helburua

Tratamendu honen helburua da Bankuak berak eta banku- eta finantza-sektorearekin eta aseguruen, higiezinen eta zerbitzuen sektoreekin lotutako hirugarren laguntzaileek merkaturatutako intereseko produktuak eta zerbitzuak eskaintzea. Gainera, zure baimena izanez gero, ekitaldi pertsonalekin (hala nola urtebetetzeak eta urteurrenak) eta ekitaldi publikoekin (Gabonak, kirol ekitaldiak, edo zuretzako interesgarriak izan daitezkeen gizarte eta/edo kultur ekitaldiak) lotutako komunikazioak bidaliko dizkizugu.

Erabilitako datuen kategoriak

• Zuk eman dizkiguzun datuak, elkarrizketa edo inprimaki bidez kontratuak altan ematean edo gurekin harremana izatean.

Tratamenduaren oinarria

Tratamenduok egiteko, merkataritza-komunikazioak igortzeko zure aurretiko baimen esplizitua izaten da. Baimen hori edozein unetan kendu ahalko da, eskubideak erabiltzeko gaitutako eta Politika honetan adierazitako edozein bidetatik, bai eta Online Bankaren eta Banka Mugikorraren bidez ere, eta, nahi izanez gero, zure premietara hobekien egokitzen diren bitartekoak aukeratu ahalko dituzu (telefono deiak, push jakinarazpenak edo sms-ak, posta elektronikoa, posta arrunta).

Beste enpresa filial bateko edo hirugarren kolaboratzaile baten bestelako produktuak sustatzeko ere, aseguruen sektorea barne, berariazko baimena eskatuko dugu aldez aurretik. Nolanahi ere, baimen hori atzera bota ahal izango da, eta bezeroak une oro aurkaratu ahal izango du tratamendu hori.

Ondorioz, jakinarazi nahi dizugu Kutxabankek Kutxabank Vida y Pensiones eta Kutxabank Aseguradoraren aseguruen bankuko operadore esklusibo baldintza duela, beraz, Bankuak merkaturatutako aseguru guztiak aseguru-etxe horrentzat bitartekatuko dira.

Kutxabankek salbuespen gisa, DBEO indarrean sartu aurretik Entitatearen bezero ziren interesdunei dagokienez, enpresa jarduera sustatzeko interes legitimoa du, kontratatuta dituen kreditu produktu edo zerbitzuekin zerikusia duten kreditu edo aurrezki produktu eta zerbitzuen zein aseguru produktuen eskaintzak eginez. Horretarako, Kutxabankek bere interesen eta interesdunen eskubideen eta askatasunen arteko haztapenaren analisia egin du.

4.8 Profil komertzialak sortzea

Tratamenduaren deskribapena

Tratamenduok egitean, merkataritzako profilak sortzen dira zu bezero-segmentu jakin batekin identifikatzeko eta produktu edo zerbitzu-eskaintza jakin batera egokitzeko.

Zure datu pertsonalekin profil hauek prestatuko ditugu:

• Profilak segmentatzea, zure intereseko produktuak eta zerbitzuak eskaintzeko.
  • Segmentazio-tratamenduak egingo ditugu, zure adina, Entitatearekin aldez aurretik kontratatutako produktuak eta zuk kontratatutako zerbitzu edo produktuen kudeaketaren ondorioz eskura dugun informaziotik abiatuta lortutako transakzio-mugimenduak oinarri hartuta.
  • Zerbitzu gehigarriak kontratatu badituzu, beste finantza entitateetan zure mugimendu eta posizioei buruzko informazioa erabiliko dugu, betiere horretarako baimena eman badiguzu.
  • Zure baimena badugu, zure nabigazioetatik lortutako datuak erabiliko ditugu identifikatutako gure online kanaletan (Banka Mugikorra eta Online Banka). Zehazki, bisitatutako orriekin edo atalekin eta eduki bakoitzean egindako klikekin lotutako informazioa.

Horrela, eskuragarri ditugun datuen arabera zure interesekoak izan daitezkeen produktu eta zerbitzuak identifikatu ahal izango ditugu, kasu horietarako kanpoko iturrietatik lortutako daturik erabili gabe, ondare kaudimeneko fitxategiak barne.

• Finantzaketa-produktuak eskaintzeko arrisku-profilak.
  • Zure kaudimena eta ordaintzeko gaitasuna ezartzea, eskaintza egin ahal izateko edo etorkizuneko finantzaketa-eskakizunei arinago erantzuteko. Tratamendu horiei aplikatzen diegun logika, funtsean, honetan oinarritzen da: zure diru-sarrerei buruz eman dizkiguzun datuetan, gurekin izan duzun prozesutik zure aurrezteko gaitasunari buruz ondorioztatu dugun guztian eta aurreko eragiketetan zurekin izan dugun esperientzian.

Tratamenduaren helburua

Tratamenduaren helburua da zure datuen gainean teknika estatistikoak eta bezeroak segmentatzeko teknikak aplikatzea, zure premietara eta lehentasunetara egokitutako merkataritzako eskaintzak egiteko eta kontratatu dituzun zerbitzuen jarraipena egiteko.

Datuen kategoriak

Hona hemen helburu honetarako tratatuko ditugun datu-kategoriak:

• Zuk eman dizkiguzun datuak, elkarrizketa edo inprimaki bidez kontratuak altan ematean edo gurekin harremana izatean.
• Produktu eta zerbitzuak mantentzeari buruzko datuak.
• Kutxabankek gainerako datu-kategoriak aztertu eta tratatzetik inferitu edo ondorioztatutako datuak.

Kutxabankek berariaz jakinarazi nahi dizu profil horiek egiteko ez direla erabiliko zuk zuzenean eman ez dizkiguzun datuak, Politika honen 3. atalean informatutako ondare-kaudimeneko fitxategietan edo kanpoko beste iturri batzuetan jasotako informaziotik lortutakoak. Mailegu- edo kreditu-eragiketa bat eskatzen duzunean edo zure berariazko baimena dugunean soilik erabiliko du Kutxabankek fitxategi horietako informazioa. Kanpoko gainerako iturrietan eta zerbitzu gehigarrian sartutako informazioa profilak egiteko erabiliko da, zure baimena badugu soilik.

Tratamenduaren oinarria

Tratamendu horiek Erakundearen interes legitimoaren arabera egiten dira, lanak eraginkortasun eta kalitate handienarekin egin behar dira, bai entitateari berez dagokiona, bai zuk bezero gisa jaso duzuna. Horretarako, Kutxabankek bere interesen eta interesdunen eskubideen eta askatasunen arteko haztapenaren analisia egin du. Edozein unetan horrelako tratamenduak egitearen aurka ager zaitezke, Politika honen 8. atalean adierazitako edozein bidetatik.

Aldiz, informazio hau prestatzeko kanpoko datu-baseak erabili badira, bereziki, ondare-kaudimenaren fitxategietako informazioa, informazio hori mailegu-eragiketa bat edo kreditu bat eskatu bada edo zure berariazko baimena baldin badago soilik tratatuko da. Era berean, informazio hori egiteko zerbitzu gehigarrian sartutako informazioa erabiltzen bada, tratamendua zure baimena izanda egingo da soilik. Eskubidea duzu baimen hori edozein unetan ezeztatu edo kentzeko, horretarako ezarri diren eta Politika honetan aipatu diren kanaletako edozeinen bidez.

4.9 Sustapenak eta zozketak

Tratamenduaren deskribapena

Helburu honekin egindako tratamendua Kutxabankek antolatutako sustapen edo zozketetara sartzeko egin dituzun eskabideei buruzkoa da, zeinak zure interesekotzat jotzen ditugun, horietan berariaz izen eman behar izanik gabe.

Tratamenduaren helburua

Tratamenduaren helburua Entitateak bere bezeroei eskainitako sustapenak aurkeztea da, sustapenetan berariaz izen emateko beharrik gabe.

Datuen kategoriak

Hona hemen helburu honetarako tratatko ditugun datu-kategoriak:

• Zuk eman dizkiguzun datuak, kontratuei alta ematean edo gurekin harremana izatean.
• Produktu eta zerbitzuak mantentzeari buruzko datuak.

Tratamenduaren oinarria

Tratamendu horiek zure kontratuak kudeatzeko interes legitimoan oinarritzen dira, baina zure baimena beharko da sari bat onartu aurretik. Era berean, ez da tratamendurik egingo aldez aurretiko adierazi baduzu ez duzula nahi publizitate-ekintzen xede izan.

4.10 Instalazioetako segurtasuna (Bideozaintza)

Tratamenduaren deskribapena

Xede honekin egindako tratamendua Kutxabanken bulegoetan, sukurtsaletan, eraikinetan eta korporazioko zentroetan instalatutako ekipoen bitartez irudiak hartu eta grabatzea da.

Tratamenduaren helburua

Tratamenduaren helburua da gure bezeroak eta Entitateko aktiboak babesteko beharrezkoak diren neurriak ezartzea eta kalte ekonomikoak eta ospe-kalteak prebenitzea. Zaintza-kamerak Kutxabanken segurtasuna zaintzeko instalatzen dira. Kutxabankek ezingo ditu zaintza-kamerak berariaz deskribatu denarekin bat ez datorren moduren batean erabili, eta jasotako irudiak fede onez eta helburu horrekin bat etorriz erabiltzeko konpromisoa hartzen du.

Datuen kategoriak

Helburu honetarako tratatuko ditugun datu-kategoriak bideozaintzako kamerek jasotako irudiak izango dira.

Tratamenduaren oinarria:

Tratamenduaren oinarria da Kutxabankek bere instalazioak, langileak eta bezeroak babesteko duen legezko betebeharra, Segurtasun Pribatuaren Erregelamendua betetze aldera.

Datuak lagatzea

Datuak agintari judizialei edo Estatuko segurtasun indar eta kidegoei laga ahal izango zaizkie, beren betekizunak betetzeko hala eskatzen dituztenean.

4.11 Xede estatistikoa edo Entitate barneko jarraipeneko xedea duten tratamenduak

Tratamenduaren deskribapena

Hona hemen jarraipenak egiteko eta Entitatearen jarduerari buruzko estatistikak sortzeko egindako tratamenduak:

• Bezeroen datuak multzokatzea estatistikak egiteko.
• Datuak antolatzea, txosten eta eredu estatistikoak prestatzeko.

Helburu estatistikoak dituzten datuak hirugarrenei emanez gero, Entitateak konpromisoa hartzen du dagozkion anonimizazio teknikak aplikatzeko edo informazioa modu agregatuan emateko, informazio horrek identifikatutako edo identifikatzeko moduko pertsona fisiko batekin loturarik izan ez dezan.

Tratamenduaren helburua

Tratamenduaren helburua txosten estatistikoak eta eredu matematikoak egitea da, Entitatearen jarduera kudeatzeko eta horren jarraipena egiteko.

Datuen kategoriak

Hona hemen helburu honetarako tratatuko ditugun datu-kategoriak:

• Zuk eman dizkiguzun datuak, elkarrizketa edo inprimaki bidez kontratuak altan ematean edo gurekin harremana izatean.
• Produktu eta zerbitzuak mantentzeari buruzko datuak.
• Kutxabankek gainerako datu-kategoriak aztertu eta tratatzetik inferitu edo ondorioztatutako datuak.

Tratamenduaren oinarria

Tratamenduaren oinarria Kutxabanken interes legitimoa da bere enpresa-jardueraren garapenean.

4.12 Salaketak izapidetzea eta diziplina-jarduerak kudeatzea

Tratamenduaren deskribapena

Hona hemen helburu horrekin egindako tratamenduak:

• Delituzko, legez kanpoko eta/edo Entitatearen barne-arauen aurkako balizko jokabideak hautemateko eta kudeatzeko jarduerak.

Tratamenduaren helburua

Tratamenduaren helburua salaketak izapidetzea da, bai eta delitu-jokabideak, legez kanpokoak eta/edo Entitatearen barne-araudiaren aurkakoak prebenitzea, antzematea, kudeatzea eta ebaztea ere.

Datuen kategoriak

Hona hemen helburu honetarako tratatuko ditugun datu-kategoriak:

• Zuk, borondatez, eman dizkiguzun identifikazio datuak.

Tratamenduaren oinarria

Tratamendu horiek interes legitimoaren printzipioan eta legezko betebehar bat betetzean babestuta egiten dira.

4.13 Datuak beste enpresa batzuei lagatzea, jakinarazpen komertzialak bidaltzeko

Tratamenduaren deskribapena

Helburu horrekin egindako tratamendua identifikazio, harreman eta profilazio datuak beste enpresa batzuei komunikatzea da, haiek merkaturatutako produktu eta zerbitzuei buruzko jakinarazpen komertzialak bidal ditzaten, bitarteko elektronikoak barne.

Tratamenduaren helburua

Zure baimena izanez gero, jarraian adieraziko dizkizugun datuak Kutxabank Taldeko sozietateei lagako dizkiegu, bai eta enpresa laguntzaileei eta/edo partaidetuei ere, merkaturatzen dituzten produktu eta zerbitzuen eskaintza komertzialak egiteko.

Datuen kategoriak

Tratamendu hau onartzen ez baduzu, ez ditugu zure datuak lagako. Onartzekotan, beste enpresa batzuei jakinaraziko dizkiegun datuak aldatu egingo dira, produktuen eta zerbitzuen eskaintza egokitzeko profil komertzialak sortzearen aurka agertu zaren edo ez kontuan hartuta:

• Gure produktu eta zerbitzu eskaintza pertsonalizatzearen aurka agertu bazara, enpresa horiei identifikazio eta harremanetarako datuak baino ez dizkiegu emango.
• Gure produktu eta zerbitzu eskaintza pertsonalizatzearen aurka agertu ez bazara, enpresa horiei zure segmentazioari eta arrisku-profilari buruzko informazioa ere jakinaraziko diegu.

Tratamenduaren oinarria

Tratamendu hori jakinarazpen komertzialak igortzeko aurretik baimen esplizitua eman den unetik egingo da. Baimen hori edozein unetan kendu ahalko da, eskubideak erabiltzeko gaitutako eta Politika honetan adierazitako edozein bidetatik, bai eta Online Bankaren eta Banka Mugikorraren bidez ere.

Datuak lagatzea

Xehetasun osoz kontsulta dezakezu zein enpresei laga diezazkiegun zure datuak, zure berariazko baimena izanez gero, esteka honetan: https://portal.kutxabank.es/cs/Satellite/kb/es/sociedades-del-grupo-kutxabank/documento.

5. Zenbat denboraz gordeko ditugu zure datuak?

Kutxabankek zure datuak kontratuaren harremanak irauten duen bitartean edo tratamendu bakoitzaren xede zehatzerako beharrezkoak diren bitartean gordeko ditu.

Adostasunean oinarritutako datuak zuk baimena edo adostasuna berariaz ezeztatu arte edo gurekin ezarritako kontratu- edo negozio-harremanak amaitu arte egongo dira indarrean.

Adostasuna ezeztatzen denetik edo kontratu- edo negozio-harremanak amaitzen direnetik, neurri teknikoak eta antolaketakoak ezartzen hasiko gara, zure datuak indarreko lege-betebeharrak betetzeko soilik erabiltzen direla bermatze aldera.

Entitateak zure datuak suntsituko ditu indarreko araudiak ezartzen dituen epeetan, Kutxabanken jarduera arautzen duelako, kontuan hartuta ekintza administratibo eta judizialen preskripzio-epeak.

Kutxabankek sei hilabeteko gehieneko epean emango ditu negozio-harremana formalizatu edo produktu edo zerbitzu bat kontratatu aurretiko fasean emandako datu pertsonalak, eskabidean epe luzeago bat zehazten badugu izan ezik. Alabaina, hala nahi baduzu, zure datuak erabat ezabatu daitezen eskatzeko eskubidea duzu.

Bideozaintzako grabaketei dagokienez, Kutxabanki aplikatzekoa zaion Segurtasun Pribatuari buruzko araudiak ezartzen du hamabost eguneko gehieneko epea dagoela halakoak kontserbatzeko, grabaketa egin den egunetik kontatzen hasita, agintaritza judizialek edo Segurtasun Indar eta Kidego eskudunek kontrakoa esan ezean.

Arau-urratzeen eta ustelkeriaren aurkako borrokari buruzko komunikazio eta ikerketekin lotutako datu pertsonalak beharrezkoa den aldian soilik gordeko dira, eta epe hori ezin izango da hamar urtetik gorakoa izan. Komunikazioa aurkeztu eta hiru hilabeteko epean ikerketa hasi ez bada, komunikazioa sistematik ezabatuko da, sistemaren funtzionamenduaren ebidentzia mantentzeko denean izan ezik, eta modu anonimoan gordeko dira, egin gabeko komunikazioak badira.

6. Nori komunikatzen dizkiogu zure datuak?

Kutxabankek ez ditu zure datuak lagako, lagapen hori zure baimenean, legezko betebehar batean edo zurekin duen kontratuan oinarritu ezean; hauek dira betebehar horiek:

• Errekerimenduak eta jarraipeneko eta kontroleko jarduketak betetzen direla gainbegiratzen duten agintariei.
• Sozietate filialei, Kapitalak zuritzearen eta terrorismoa finantzatzearen prebentzioaren arloko araudiak behartutako subjektuei eta beste herrialde batzuetako agintaritza edo organismo ofizialei, Europar Batasunaren barrukoak zein kanpokoak izan, terrorismoaren eta delinkuentzia antolatuaren forma larrien finantziazioaren aurka borrokatzearen eta kapital-zuritzea prebenitzearen esparruan.
• Epaitegiak eta auzitegiak, eta Estatoko Segurtasun Indar eta Kidegoak, Kutxabanki datu pertsonalak emateko eskatzen badiote.
• Espainiako Bankuaren Arriskuei buruzko Informazio Zentralari, eta diruzko betebeharrak ez betetzeari buruzko fitxategiei, ez-betetze hori gertatuz gero.
• Zure kontratuak izapidetzeko eta zure produktu eta zerbitzuak kudeatzeko beharrezko laguntzaile gisa jarduten duten beste erakunde batzuk, besteak beste, notarioak, erregistro eta erakunde publikoak, tasazio-sozietate homologatuak, hala badagokio, elkar bermatzeko sozietateak eta mezularitzako operadoreak, eta higiezinen merkatuko bitartekariak, higiezinen atari gisa lotuak zein lotu gabeak, berariaz aintzatetsiak eta informatuak.
• Banka pribatuko sozietateak eta taldeko aseguruak, administrazio-kudeaketaren eta barne-eragiketen eraginkortasuna hobetze aldera soilik, baldin eta segmentu horretakoa bazara; gainera, edozein unetan aurka egiteko eskubidea izango duzu.
• Datu pertsonalen tratamendua behar duten zerbitzuak emateko Kutxabankek hitzartutako kontratuak dituzten hornitzaileak eta hirugarrenak. Kasu horietan, Kutxabankek bermatzen du tratamendua enkargatzeko kontratu horiek indarreko legeriak eskatzen dituen berme guztiak biltzen dituen kontratu batean formalizatuko direla. Tratamenduaren eragileek ezingo dituzte inola ere beren datuak norbere xedeetarako edo kontratu bakoitzean zehaztutakoez bestelako xedeetarako erabili.
• Kutxabank Store SLU, baldin eta aldez aurretik plataforman erregistratzeko eskaera egin baduzu, eta erregistro hori gauzatu ahal izateko beharrezkoa den jakinarazpena bada.
• Kutxabank Taldeko sozietateak eta beren produktu eta zerbitzuen jakinarazpen komertzialak bidaltzeko enpresa laguntzaileak eta/edo partaidetuak, betiere aldez aurretik jakinarazpen hori egiteko baimena jaso badugu.

7. Datuen nazioarteko transferentziak

Arau orokor gisa, Kutxabankek ez dizkie beste enpresa lokalizatu batzuei edo zerbitzariak Europako Esparru Ekonomikotik kanpo dituzten enpresei datu transferentziarik egiten. Nolanahi ere, nazioarteko transferentzia horiek egiten direnean, Kutxabankek berme egokiak eskaini dituzten edo araudian zehaztutako legeztatze printzipio berberetan oinarritutako herrialde edo, bestela, erakunde batera egiten direla egiaztatzeko beharrezkoak diren neurriak hartuko ditu.

8. Eskubideak erabiltzea

Zure datu pertsonaletara irispidea izateko, datu pertsonalak zuzentzeko, aurkaratzeko, ezeztatzeko, mugatzeko edo transferitzeko, eta erabaki indibidual automatizatuen jomuga ez izateko eskubideak aitortzen dizkizu legeak. Kanal hauetako edozeinen bitartez eskubide hauek egikaritu ditzakezu, zure eskaera eta beharrezkoa balitz, nortasuna egiaztatzen duen agiria aurkeztuz:

• Posta bidez, gure helbide korporatibora
• Posta elektronikoko helbide honen bidez: info@kutxabank.es
• Zuzenean Datuak Babesteko gure Ordezkariari, helbide honetan: dpo@grupokutxabank.com

Horrez gain, zure berariazko baimena behar duten tratamenduetarako, baimen hori edozein unetan kendu edo eman dezakezu, Online Banka eta Banka Mugikorra zerbitzuaren bidez.

Gainera, zure datuen tratamenduarekin lotutako erreklamaziorik egin nahi baduzu, Datuak Babesteko Espainiako Bulegora igor dezakezu (www.aepd.es).

Sarrera

Kutxabanken, irisgarritasuna funtsezko zutabea da, pertsona guztiek, salbuespenik gabe, gure zerbitzuak erraz, eroso eta seguru eskuratu eta gozatu ahal izango dituztela bermatzeko. Gure erabiltzaileen aniztasunaz jabetuta, konpromisoa hartu dugu esperientzia inklusiboa eskaintzeko gure arreta- eta komunikazio-kanal guztien bidez.

Irisgarritasun-adierazpen honek gure bezeroekiko harremanetarako kanalen espektro zabala hartzen du barnean: gure webgune publikoak nahiz pribatuak, mugikorretako aplikazioak, telefono bidezko arreta-kanala, kutxazain automatikoak, libreta-eguneragailuak, txartelak eta bezero kontsumitzaileekiko kontratu-dokumentazioa eta kontratuz kanpoko gure komunikazioak (besteak beste, mezu elektronikoak, sare sozialak, irrati-piezak eta SMSak).

Horregatik, martxan jarri dugu lan-plan integral eta sistematiko bat, kanal horietako bakoitzaren irisgarritasun-maila pixkanaka handitzera bideratua. Plan horren barruan jasotzen dira oztopoak identifikatzea eta zuzentzea; nazioarteko jardunbide egokiak ezartzea; eta gure lantaldeen etengabeko prestakuntza, helburu bakar batekin: erabiltzaile guztientzat erabat irisgarria eta gogobetekoa den esperientzia bat eskaintzea.

Betetze-egoera eta irisgarria ez dagoen edukia

Entitate mailan, Kutxabank partzialki betetzen ditu Europako Parlamentuaren eta Kontseiluaren 2019/882 (EB) Zuzentaraua eta 11/2023 Legea, salbuespenengatik eta ondoren adierazten diren kanal bakoitzeko alderdi batzuk bat ez etortzeagatik:

Kutxabanken Web publikoak irisgarritasunaren arloko hobekuntza-prozesu jarraitu bati ekin dio, bere eduki eta zerbitzu digitalak gero eta irisgarriago bihurtzeko konpromisoarekin.

Ahalegin horren ondorioz, neurriak eta jardunbide egokiak progresiboki ezartzen ari dira oztopoak ezabatzeko, nabigazioa errazteko eta edonorentzako esperientzia inklusiboa eta gogobetekoa bermatzeko, dituen gaitasunak edo erabiltzen dituen tresna teknologikoak edozein direla ere. Erabiltzaileentzat erabilgarri dauden hobekuntza aipagarrienen artean hauek daude:

• Azpititulazioa eta audiodeskribapena ikus-entzunezko eduki guztietan sinkronizatzea eta zaintzea ziurtatzen da, eta multimedia alternatibak eskaintzen dira ikusmen- eta entzumen-desgaitasuna duten pertsonei edukia oztopo sentsorialik gabe erabat eskuratzeko eta ulertzeko.
• Informazioa modu logiko eta ordenatuan aurkezten da, eta errazago ulertzen da. Gainera, argi eta garbi deskribatzen dira zentzumen-ezaugarriak eta orientazioa, soilik ikusmen- edo entzumen-estimuluen mende egotea saihestuz, eta horrek esperientzia inklusiboagoa egiten du zentzumen-desgaitasunak dituztenentzat.
• Kolorearen erabilera kontrolatu egiten da, informazioa horren mende bakarrik egon ez dadin, testudun irudiak mugatuz eta kontraste egokia mantenduz elementu eta fokuetan, ikusgaitasuna eta irisgarritasuna errazteko.
• Teklatu bidezko nabigazioa erabatekoa eta blokeorik gabea da, eta sarbide osoa ematen die mugikortasun urria duten pertsonei. Interakzio-denborak doigarriak dira, erritmo eta gaitasun desberdinetara egokitzeko.
• Orri bakoitzak izenburu argiak eta informazioa eskuratzeko hainbat modu ditu. Foku bisuala beti dago ikusgai, orientazioa errazteko, eta hizkuntza nagusia adierazten da laguntza-teknologiekin hobeto ulertu ahal izateko.
• Fokua jartzean edo datuak sartzean, interakzioak intuitiboak eta koherenteak dira, nahastea saihestuz. Nabigazioa uniformea da eduki guztietan, karga kognitiboa murriztuz.
• Inprimakietako erroreak zuzentzeko jarraibide argiak eskaintzen dira, eta informazioa aurkezten da laguntza-teknologien bidez behar bezala interpretatzea bermatzen duten estandarrei jarraituz.
• Esperientzia pertsonalizatzeko lehentasun indibidualak errespetatzen dira, eta irisgarritasun-ezaugarriak dituzten gailu eta teknologia guztiekiko bateragarritasuna bermatzen da, esperientzia inklusiboa eta oztoporik gabea izateko.

Lortutako aurrerapenei esker, urrats oso garrantzitsuak egin ditugu irisgarritasun handiagoa lortzeko. Hala ere, badakigu oraindik alderdi batzuk hobetu beharrean gaudela, eta dagoeneko sartu ditugu definitutako Jarduketa Plan batean, gure zerbitzu guztietako irisgarritasun-estandarrak hobetzen jarraitzeko.

Ildo horretatik, Kutxabanken Web publikoak partzialki betetzen ditu Europako Parlamentuaren eta Kontseiluaren 2019/882 (EB) Zuzentaraua eta 11/2023 Legea, salbuespenengatik eta ondoren adierazten diren alderdiak bat ez etortzeagatik:

• 11/2023 Legea ez betetzea:
• Azpititulazioaren eta audiodeskribapenaren sinkronizazioan eta zaintzan aurrera egin den arren, hobekuntzak ezartzen ari dira azpititulazioaren eta audiodeskribapenaren erreprodukzioa optimizatzeko, bai eta haiek aktibatzeko edo desaktibatzeko kontroletan ere.
• Eduki ez-testualen deskribapenak aberasten ari dira; grabatutako azpitituluen erabilgarritasuna zabaltzen ari da; eta informazioa aurkezteko modua eta elementu desberdinen arteko harremanak hobetzen ari dira. Aldi berean, lanean ari gara sarrera interaktibo bakoitzaren helburua zehazki identifikatzeko, nabigazio intuitiboagoa eta arinagoa ahalbidetuz.
• Ikusmen-irisgarritasunari dagokionez, doikuntzak ezartzen ari dira kontraste minimoan, tamaina-aldaketan, doikuntzan eta testuaren lerroartean. Modu osagarrian, teklatu bidezko nabigazioa perfekzionatzen ari da, blokeoak saihesteko eta fokuaren ordena logiko eta koherentea ziurtatzeko; esteken testuinguru-xedea eta goiburuen eta etiketen egitura, berriz, optimizatzen ari dira.
• Elementu interaktiboetako etiketa deskribatzaileak indartzen ari dira, eta edukiaren zati guztietan hizkuntza behar bezala zehazten dela ziurtatzen ari da. Gainera, erroreen identifikazioa hobetzen ari da, etiketen eta jarraibideen argitasunarekin eta zehaztasunarekin, batera erabiltzaileek konfiantzaz jardun dezaten eta edozein gorabehera erraz zuzendu ahal izan dezaten.
• Azkenik, elementu interaktiboen izen-, funtzio- eta balio-atributuak optimizatzen ari dira, bai eta egindako aldaketei edo ekintzei buruzko informazioa ematen duten egoera-mezuak ere. Hobekuntza horiek esperientzia inklusiboagoa, intuitiboagoa eta eraginkorragoa eskaintzen laguntzen dute, batez ere laguntza-teknologiak erabiltzen dituztenentzat.

Irisgarritasun-adierazpen hau prestatzea

Adierazpen hau [2025-06-28] datan prestatu zen.

Adierazpena prestatzeko erabili den metodoa erakundeak berak egindako autoebaluazioa izan da.

Adierazpenaren azken berrikuspena: [2025/06/28]

Oharrak eta harremanetarako datuak

Irisgarritasun-eskakizunei buruzko komunikazioak egin ditzakezu, hala nola:

• Balizko edozein ez-betetzeren berri ematea.
• Sarbiderako bestelako zailtasun batzuk jakinaraztea.
• Entitatearen irisgarritasunari buruzko beste edozein kontsulta edo hobekuntza-iradokizun egitea.

Entitatearen Bezeroen Arretarako Zerbitzuko ohiko kanalen bidez.