Kreditu-aseguruak: finantzatutako salmentak babesteko
Enpresentzat funtsezkoa da kreditu bidezko salmenten arriskutik babestea, hornitzaileen ez-ordaintzeen arriskuari aurre egin behar baitiote. Bada, aseguru-mota hauek babesa eta lasaitasuna eskaintzen dute.
Izan ere, kreditu-aseguruetan munduko liderra den COFACEren arabera, konpainien % 80k hornitzaileen ez-ordaintzeei aurre egin behar diete, eta enpresen porroten % 25 ordaindu gabeko fakturekin lotuta dago.
Finantza-zuzendari bakar batek ere ez lituzkete beren aktibo garrantzitsuenak asegururik gabe utziko, hala nola bere ondasunak, makinak edo ekipamendua. Izan ere, sute baten finantza-ondorioak handiegiak izango lirateke negozio batentzat. Era berean, aktiborik zaurgarriena ere ez litzateke babesik gabe utzi behar: Bezeroen Kontua, enpresa baten aktiboen % 40, batez beste.
Kreditu-asegurua, banku-finantzaketaz gain, funtsezko osagaia da enpresen engranaje ekonomikoarentzat, ingurune global eta aldakor batean lan egiten baitute.
Nolanahi ere, kreditu-aseguru batek, edozein asegururi berezkoa zaion kalte-ordainen bermeaz gain, arriskua prebenitzeko eta ebaluatzeko sistemak eskaintzen ditu, enpresa-sarea osatzen duten konpainietako bakoitzak une bakoitzean onar ditzakeen mailekin bat datozen mugak zehaztasunez ezartzeko.
Kreditu-aseguruak balio erantsia ematen dio enpresari, zerbitzuen katalogo zabal baten bidez, eta ez bakarrik kalte-ordainak emateko gaitasuna. Beste alor batzuetako polizek ez bezala, gainera, hainbat zerbitzu eskaintzen ditu, hala nola merkataritza-arriskuen azterketa eta kreditu-sailkapena egiteko prozesua, erosleen kaudimenaren zaintza, ordaindu gabeko kredituak kobratzeko kudeaketa-lana eta ez-ordaintze horietatik eratorritako galeren kalte-ordaina. Hartara, bezeroak bere salmentak babesteaz gain, kanpoko arriskuen sail bat izango du bere zerbitzura, bezeroon azterketa eta jarraipena egiteaz arduratuko dena.
COFACEren kasuan, bere nazioarteko sarea arduratzen da bezeroak edo bezerogaiak etengabe aztertzeaz (100 herrialdetan lan egiten du, zuzenean edo bere bazkideen bidez), haien kaudimenari, likideziari eta bideragarritasunari buruzko oinarrizko informazioa eskuratzeko, eta, horrela, garapen komertzial seguruago bat bermatzeko.
Berreskuratze saila herrialde bakoitzaren legegintzan eta ohituretan trebatuak diren nazioarteko adituen erantzuteko gaitasunaz baliatzen da, ordaindu ez diren merkataritza-kredituak berreskuratzea eta bezeroekin daukagun harremana zaintzea errazten duena.
Zorrak kobratzea lortzen ez bada edo prozesua aurreikusitakoa baino gehiago luzatzen bada, aseguru-etxeak kredituaren zenbateko bermatuaren konpentsazio bat ordaintzen du, eta ezbeharraren % 100 berreskuratzeko prozedurari ekiten dio. Gainera, banku-finantzaketa lortzea errazten du, kreditu-asegurua berme gehigarri bat baita bankuaren arrisku-sailarentzat.
Hortaz, kreditu-aseguruak babesa eskaintzen du ez-ordaintzeek eragindako kostu eta eragozpenen aurrean, cash flow-a babesten du eta lasaitasuna ematen du, finantza-egonkortasuna bermatuz.
Kutxabankek enpresen beharretara egokitzen diren aseguruen sorta zabala eskaintzen du.
