Ikusi Kutxabankek egindako finantza arloko txostenak, datuak zuzenean ezagutu ditzazun
Moteltzea
Munduko ekonomiarentzako erronkez beteriko testuinguruan, inflazio orokorrarekin, energiaren eskasiarekin, interes-tasa handiagoekin, finantza-arloko ahuldade gero eta handiagoarekin, batez ere Europako gerraren harira… Espainiako ekonomia % 3,8 hazi da 22HIIIn, eta azkenaldiko ahuldadea luzatu egin da. Inflazio handia familia eta enpresen eros-ahalmena higatzen ari da eta, haren ondorioz, neurri murriztaileak hartu dira diru-politikan. Interes-tasek gora egin dute, eta diru-politikaren «normalizazio» prozesua bizkortu egin da. Horren guztiaren ondorioz, barne-eskariaren indarra ahuldu egin da, hala kontsumoaren nola inbertsioaren ikuspegitik. Bi digituko hazkunde mailen ondoren, Espainiako prezioak nabarmen murriztu dira, eta % 6,8 inguruan kokatu dira. EBn, ordea, beherakada motelagoa izaten ari da. Lan-merkatuaren hobekuntza ere moteldu egin da, eta lan-okupazioaren eta enplegu garbiaren sorreraren erritmoa apalagoa izan da, nahiz eta oraindik positiboa den. Langabezia-tasa % 12,7 ingurukoa da eta, aurreikuspenen arabera, datorren ekitaldian bere horretan irautea espero da. 2023ko lehen hiruhilekorako aurreikusitako minimotik 2024an pixkanaka % 1,7ra iristea aurreikusten da. Inflazioak kontsumoan izan duen eragina pandemian metatutako aurrezkiaren koltxoiarekin orekatuko litzateke zati batean, eta kolpea arintzeko balioko luke.
Indarra galtzen ari da
2022IIIHn, BPGd-a urte arteko % 3,8 hazi da euskal ekonomian eta horrek agerian utzi du ekonomiak indarra galdu duela ekitaldiak aurrera egin ahala. Haren erreferentziekin alderatuta (Espainia eta eurogunea), bitarteko postuan dago. Hala ere, ez da baztertzen atzeraldirako aukera 2023an. Nolanahi ere, gertatuko balitz, ez litzateke oso sakona eta, lehen hiruhilekotik aurrera, ekonomia berriro suspertzen hasiko litzateke.
Erregioaren ekonomiaren garapena nazioartean nagusi den ziurgabetasun beraren mende dago, Ukrainako gatazkarekin loturiko faktore geopolitikoen ondorioz, bai eta gatazka horrek batez ere Europan eragindako energia-krisiaren mende ere. Haren irekitze handia dela eta, euskal ekonomiaren hiruhileko emaitzek kanpoko ekarpen apalagoaren ondorioak jasan behar izan dituzte, nahiz eta kontsumoaren eta inbertsioaren barne-eskaria bere horretan mantendu den. Lan-merkatuaren garapen positiboari esker, lan-okupazioa hazi egin da (milioi bat enpleguko langa gainditu du) eta langabezia-tasa, aldiz, apaldu egin da. Horri gehitu behar diogu inflazioa birbideratzeko bidea hasi egin dela. Erronka nagusietako bat da hori oraindik, eta prezioen «normalizazioa» du zalantza-iturri nagusi, diru-politika oso azkar zorroztu ondoren. Etxebizitzen hipoteka-merkatuaren ziklo aldaketa gerta daitekeela ere zabaltzen hasi da.
Merkatu txostenak
