2018ko Makina Berria akordioa sinatu da
Bideoak
2018ko Makina Berria akordioa sinatu da
KUTXABANK PRENTSA | 2017/12/21
‘Makina Berria’ plan arrakastatsuak 2.000 milioi euroko finantzaketa-lerro berri bat gaitu du, enpresa sarearen lehiakortasuna hobetzeko.
Izan ere, sarearen zati handi bat lur jota utzi zuen krisialdi luzearen ondoren, euskal enpresen helburu behinena haien ekoizpen-ahalmena hobetzea da. Horregatik, kredituaren profilak enpresa-xede berriei erantzuten die orain, eta ekoizpen-lerro berriak merkaturatu dira, besteak beste.
Kutxabankek eta euskal enpresa-erakundeek bosgarren urtez jarraian martxan jarri duten ‘Makina Berria’ planaren helburua enpresen produkzio-makinak eguneratzea da, batez ere 4.0 industria iraultzaren erronkari aurre egiteko.
Bada, 2.000 milioi euroko finantzaketa-lerro hau erabakigarria izaten ari da ekonomiaren eta enpresen hazkundean, baita produkzio-inbertsioetarako finantzaketaren hazkundean ere.
Izan ere, I+Gn inbertitzeko finantzaketak 2017ko programaren % 16 hartu du, eta beste sektore batzuk ere igoera handiak izan dituzte, bereziki manufakturen sektoreak (finantzaketa osoaren % 40arekin).
Makina Berriaren bosgarren edizioak baldintza bereziak eskaintzen dizkie Euskadiko hiru patronaletako bazkide diren enpresei: 12 hilerako Euriborraren interes-tasa aldakorra gehi % 1,90, eta bost urterako eta % 2ko interes-tasa finkoko eragiketak kontratatzeko aukera.
