Kutxabanken
baldintzak

(*) 37 urteko bi bezerorentzat kalkulatutako adibide adierazgarriak, 30 urterako 150.000 euroko mailegu batekin (360 kuota), eta bezeroak bere gain hartu beharreko 369,05 euroko tasazio gastuarekin. Modalitate aldakorra: 2024ko martxoa Euribor BOEaren balioa: %3,718.

Ohiko etxebizitza erosteko eskaintza hobariduna, honako baldintza hauek betetzen badira: nomina helbideratuta izatea, hilean 3000 € edo hortik gorakoa; urtean 2.400 € edo hortik gorako ekarpenak egitea Baskepensiones BGAEra/Kutxabank Pentsio Planera; etxe-aseguru bat kontratatzea eta urtero mantentzea Kutxabank Aseguradora SAUrekin eta 150.000 euroko bizi-aseguru bat Kutxabank Vida y Pensiones SAUrekin, biak ala biak Kutxabank SAren bitartekotzarekin; eta etxebizitzak A edo B energia-ziurtagiria izatea hipoteka eratzen den unean. Urtero egiaztatuko da baldintzak betetzen direla.

Higiezinen Kreditu Kontratuari buruzko Legearen arabera, kuotak, UTB Aldakorrak eta Guztira Zordundutako Zenbatekoa kalkulatzeko, tasa aldakorreko tarteari dagokionez, hasierako tasa finkoaren eta erreferentziako indizearen (Euriborraren) arteko handiena gehi diferentziala hartu da zor-tasatzat.

Hobarirako baldintzak betetzen badira:

Lehen urteko ITNa %2,42; eta, ondoren urtebeterako Euriborra + %0,39. UTBAldakorra: %4,62. Lehen urteko kuota 586,46 eurokoa izango da (12 kuota). Bigarren urtetik aurrerako kuota 721,29 eurokoa izango da (347 kuota), 724,39 eurokoa izango den azken kuota izan ezik. Guztira zor den zenbatekoa 275.120,19 €. Interesak: 108.049,54 €. Kostu osoa: 125.120,19 €.

Etxe-aseguruaren urteko prima 308,02 eurokoa da.

Hobarirako baldintzak betetzen ez badira:

Lehen urteko ITNa %2,42; eta, ondoren, urtebeterako Euriborra + %1,39. UTBAldakorra: %5,10. Lehen urteko kuota 586,46 eurokoa izango da. Bigarren urtetik aurrera, kuota 808,13 €koa izango da (807,89 eurokoa izango den azken kuota izan ezik). Guztira zor den zenbatekoa 291.199,67 €. Interesak: 138.266,52 €. Kostu osoa: 141.199,67 €.

Kalteen aseguruaren urteko prima 85,47 eurokoa da.

UTB Aldakorra erreferentziazko indizeak aldatuko ez direlakoan kalkulatu da. Hortaz, UTB Aldakorra interes-tasa berrikusiko denean aldatuko da. Urtean behin berrikusiko da. Eragiketaren epearen arabera, UTB aldakorra bata edo bestea izan daiteke, hasierako interes-tasa finkoa delako.

Edonola ere, ezinbestekoa da Kutxabanken kontu bat izatea, ohiko etxebizitza erosteko maileguaren gehieneko zenbatekoa tasazio-balioaren % 80koa izatea edo salerosketaren balioarena, txikiagoa bada, maileguaren gutxieneko zenbatekoa 80.000 eurokoa da eta zorpetze-ratioa (LTI) diru-sarreren % 30etik beherakoa izatea. Modalitate aldakorrak 30 urteko gehieneko epea eta urteko berrikuspenak dauzka.

Bezeroak mailegu honen zerbitzu osagarriak (Baskepensiones BGAE edo Pentsio Plana, etxeko asegurua eta bizi asegurua) banaka kontratatzeko aukera izango du.

Hipoteka guztiek amortizazio-sistema frantsesa erabiltzen dute, eta honako hau da maileguaren hileko kuotak kalkulatzeko modua: Co x i x (1+i)ⁿ / ((1+i)ⁿ – 1). Horra balioak: Co= ordaintzeko dagoen maileguaren zatia. n= ordaintzeko dauden kuoten kopurua. i= ITN/12. Hileko kuotaren barruan interesei dagokien zenbatekoa = maileguan ordaintzeke dagoen zenbatekoa x (ITN/12). Amortizatutako hileko kapitala = hileko kuota - hileko interesaren zenbatekoa.

Kutxabank Vida y Pensiones SAUren banku-aseguruen operatzaile bakarra da Kutxabank, eta bere baimena dauka Kutxabank Aseguradora SAUrekin eragiketak egiteko. Aseguruen eta Pentsio Funtsen Zuzendaritza Nagusiaren Aseguru Banatzaileen Administrazio Erregistroan erregistratuta dago, OE0004 zenbakiarekin. Kutxabank pentsio-planen bazkide sustatzailea eta Pentsio-fondoen gordailuzaina: Kutxabank SA. Pentsio-fondoen erakunde kudeatzailea: Kutxabank Pensiones SAU. Indarrean dagoen araudiari jarraikiz, Partaidearentzako Funtsezko Datuen Agiri bat dago Pentsio Plan bakoitzarentzat. Agiri hori www.kutxabank.es webgunean argitaratuta eta eguneratuta dago. Kutxabank SA Bazkide Babeslea da, eta Kutxabank Gestión SGIIC SAU Banakako Baskepensiones Borondatezko Gizarte Aurreikuspeneko Erakundearen Ondare Kudeatzailea.

Eragiketa onartzeko, Kutxabank SAren onespena behar da. Ordainketaren bat egiten ez bada, mailegu-hartzaileak eta abal-emaileek, halakorik balego, hipotekatutako etxebizitza edo/eta finka zein beste edozein berme gal dezakete, eta oraingo eta etorkizuneko ondasunekin aurre egin beharko diete ordainketari.

Euriborra igotzen bada, zure aurrezkiek gora egingo dute

Informazio gehiago